Inga Strümke

Inga Strümke (fødd 1989) er ein norsk fysikar og KI-forskar ved Norwegian Open AI Lab på NTNU.^[1]

Inga Strümke
Fødd	1989 Gummersbach
Nasjonalitet	Noreg
Område	forklarbar kunstig intelligens
Yrke	partikkelfysiker, KI-forskar, fysteamanuensis
Institusjonar	Universitetet i Bergen Noregs teknisk-naturvitskaplege universitet Simula Metropolitan Center for Digital Engineering
Alma mater	Noregs teknisk-naturvitskaplege universitet Universitetet i Bergen

Bakgrunn

Inga Strümke vart fødd i Gummersbach i Tyskland.^[2] Som fireåring flytta ho til Narvik der ho vaks opp. Ho fullførte vidaregåande skule ved Narvik, avdeling Frydenlund i 2007. Same haust byrja Strümke på NTNU der ho tok mastergrad i teoretisk fysikk i 2012.^[3] Dinest tok ho doktorgrad i partikkelfysikk ved Universitetet i Bergen i 2019.^[4]

Karriere

Strümke er førsteamanuensis og forskar innan maskinlæring, forklarbar kunstig intelligens og KI-etikk ved Norwegian Open AI Lab ved NTNU. Ho har tidlegare mellom anna yrkt med «ansvarlig AI» og algoritmerevisjon som rådgjevar for PwC.^[5]

Inga Strümke er ein aktiv formidlar som jamnan vert brukt i media. Ho har mellom anna vore deltakar i Abels tårn, radioprogram om populærvitskap på NRK, og i teknologispalta i avisa Morgenbladet. I 2019 fekk ho formidlingsprisen til Det matematisk-naturvitenskapelige fakultet ved Universitetet i Bergen.^[6]

I 2023 gav Inga Strümke ut boka Maskiner som tenker.^[7] Boka vart tildelt Brageprisen for årets beste norske sakprosabok.^[8]

I november 2023 fekk ho Forskingsrådets formidlingspris på 500 000 kr.^[9]

Bibliografi

• Maskiner som tenker. Kagge forlag, 2023. ISBN 9788248932505