Ingo Schultz

Ingo Schultz (fødd 26. juli 1975) er ein tysk tidlegare friidrettsutøvar frå Lingen i Niedersachsen. Han vart europameister på 400 meter i 2002, året etter han vann VM-sølv på same distansen.

Ingo Schultz
Statsborgarskap	Tyskland
Fødd	26. juli 1975 (50 år) Lingen
Idrett	friidrett
Tok del i	Sommar-OL 2004
Utmerkingar	Silbernes Lorbeerblatt

Schultz sette personleg rekord med 44,66 sekundar då han vann semifinalen under VM i friidrett 2001 i Edmonton. I finalen sprang han i mål til sølvmedalje med tida 44,87, einast Avard Moncur frå Bahamas sprang fortare med sine 44,64 sekundar. Året etter vann Schultz gullmedaljen på distansen då EM i friidrett 2002 vart avvikla i München. Vinnartida hans vart 45,14, 0,10 sekund betre enn det andremann i løpet fekk notert. Schultz var elles del av det tyske mannskapet som enda på sjuandeplassen i 4 x 400 meter stafett, same plasseringa fekk han og lagkameratane i stafetten under Sommar-OL 2004 i Aten.

Kjelder

• Denne artikkelen bygger på «Ingo Schultz» frå Wikipedia på tysk, den 11. august 2019.

• «Ingo Schultz» (på engelsk). Olympedia. Henta 20. mars 2023.