Inkhil

Inkhil (arabisk أنخل, òg skrive Ankhil) er ein by i al-Sanamayn-distriktet i Daraa guvernement sør i Syria, nord for Daraa og like aust for Golanhøgdene på Hauransletta. I 2004 registrerte Syrisk statistisk sentralbyrå eit folketal på 31 258.^[1]

Inkhil
أنخل
by
Land	Syria
Guvernement	Daraa guvernement
Distrikt	Al-Sanamayn-distriktet
Nahiyah	Al-Sanamayn
Koordinatar	33°0′N 36°7′E
Folketal	31 258  (2004)[1]
Tidssone	EET (UTC+2)
Inkhil 33°N 36.11666667°E / 33; 36.11666667
Kart som viser Inkhil. Kart som viser Inkhil.
Wikimedia Commons: Inkhil

Historie

Under Romarriket var Inkhil dominert av det ghassanidske arabiske kongedømet, ein vasall under romarane, basert i den nærliggande Jabiya i vest.^[2] Blant ruinane i byen finst det ein stor villa, datert til 100-talet evt.. Inne i bygningen er ein stor kvelva sentral hall, som er knytt til fleire rom med byster og andre bysantinske skulpturar av basalt. Fasaden har ein særs dekorert inngang og konkylieforma nisjer.^[3]

Byen bestod av kring 50 hus tidleg i 1840-åra og alle innbyggjarane var muslimar.^[4] I Palestine Exploration Fund sitt Quarterly Statement vart Inkhil registrert å vere ein «liten plass med 55 til 60 hus».^[5]

Inkhil var ein av dei første byane som deltok i opprøra som førte til den syriske borgarkrigen mot regjeringa til Bashar al-Assad i mars 2011 etter demonstrasjonane i Daraa.^[6] Den 19. august vart fire demonstrantar drepne og dusinvis skadde etter at syriske tryggingsstyrkar skaut mot demonstrasjonen frå ein moské etter fredagsbøna.^[7]