Innvik

Innvik er ein tettstad og eit sokn i Stryn kommune i Vestland. Innvik var òg ein kommune frå 1837 til 1965. Tettstaden har 419 innbyggjarar per 1. januar 2024 og ligg på sørsida av Innvikfjorden, som er ein del av fjorden Nordfjord, 17 kilometers køyring frå Olden og 34 kilometers køyring frå kommunesenteret Stryn.

Innvik
stad
Land	Noreg
Fylke	Vestland
Kommune	Stryn
Areal	0,72 km²
Folketal	419  (2024)
Folketettleik	582 / km²
Postnummer	6793 INNVIK
Ferdselsårer	60
Innvik 61.851666666667°N 6.6166666666667°E / 61.851666666667; 6.6166666666667
Wikimedia Commons: Innvik

Her ligg Innvik kyrkje og barneskulen Innvik skule.

Skogstad Sport har sitt hovudkontor i Innvik.^[1] Møbeltekstilprodusenten Innvik AS har òg hovudkontor i Innvik.^[2]

Innvik kommune

Innvik vart oppretta som Innvik formannskapsdistrikt i 1837. I 1843 vart Innvik deld og Stryn skild ut som eige formannskapsdistrikt. Innvik hadde 2 675 innbyggjarar etter delinga. 1. oktober 1922 vart Raksgrenda i Innvik med 120 innbyggjarar overført til Stryn. 1. januar 1965 vart Innvik som då hadde 3 003 innbyggjarar slegen samn med Stryn og delar av Hornindal og Gloppen kommunar til den nye Stryn kommune.

Folketalsutvikling

Folketalsutvikling for tidlegare Innvik kommune frå 1843 til 1963:

1843[3]	1.12.1920[4]	1.12.1930[5]	3.12.1946[5]	1.1.1951[6]	1.1.1961[6]	1.1.1965[3]
2675a	2922a	2894	3159	3173	3065	3003

^aTalet omfattar Raksgrenda, som var del av Innvik kommune fram til 1922, då ho vart overført til Stryn kommune. Området hadde då 120 innbyggjarar.

Sjå òg

• Tettstader i Vestland