J.C. Dahl

Johan Christian Clausen Dahl (24. februar 1788–14. oktober 1857) var ein norsk kunstmålar. Han vert ofte omtala som J. C. Dahl eller I. C. Dahl.

J.C. Dahl
Portrett av I.C. Dahl av C.A. Jensen frå rundt 1815. Tilhøyrer Statens Museum for Kunst i København
Nasjonalitet	Norsk
Statsborgarskap	Noreg
Fødd	24. februar 1788 Bergen
Død	14. oktober 1857 (69 år) Dresden i Tyskland
Utdanning	Det Kongelige Danske Kunstakademi
Yrke	kunstmålar, professor
Periode	Nasjonalromantikken
Sjanger	landskapsmåleri
Ektefelle	Emilie von Block, Amalie von Bassewitz
Born	Siegwald Dahl, Caroline Elisabeth Dahl
J.C. Dahl på Commons

Biografi

Han blir rekna som den første norske biletkunstnaren som kunne måla seg med europeiske meistrar, og som ein av grunnleggjarane av den nasjonalromantiske kunsten som oppstod ved byrjinga av 1800-talet.

Dahl blei fødd i Bergen i 1788 som den eldste av fleire søsken. Far hans (Claus Dahl) var fiskar og flyttmann. I.C. Dahl skulle eigentleg bli handverksmålar, men etter kvart som talentet hans blei oppdaga, blei han hjelpt økonomisk av Lyder Sagen slik at han kunne gå på teikneskule. Dahl studerte mellom anna hjå Johan F. L. Dreier og seinare på Det Kongelige Danske Kunstakademi i København.

I København bygde han seg opp eit namn og flytta seinare til Dresden der han blei professor ved kunstakademiet. Her la han grunnlaget for den norske nasjonalromantiske retninga. Dahl var på stadige besøk til Noreg for å få inspirasjon.

Galleri

• 
  «Fra Stalheim» frå 1842
  Olje på lerret
  190 × 246 cm
  Nasjonalmuseet for kunst, arkitektur og design
• 
  «Bugten ved Napoli set fra en grotte» frå 1821
  Olje på lerret
  22,2 x 33,4 cm
  Thorvaldsens Museum
• 
  «Skibbrudd ved den norske kyst» frå 1832
  Olje på lerret
  71,5 x 111 cm
  Nasjonalmuseet for kunst, arkitektur og design
• 
  «Lyshornet ved Bergen» frå 1836
  Olje på lerret
  41 × 50 cm
  Nasjonalmuseet for kunst, arkitektur og design

Bakgrunnsstoff

• Biografi på kunstweb Arkivert 2004-09-12 ved Archive.is
• Kunstnerregisteret på Kulturnett.no
• I.C. Dahl- NRK fylkesleksikon
• j.c. dahl - Bergen Kunstmuseum Arkivert 2007-10-16 ved Wayback Machine.