Siegwald Dahl

Siegwald Johannes Dahl (16. august 1827–15. juni 1902^[1]) var ein tysk dyre-, landskaps- og portrettmalar. Han var son av den norske målaren Johan Christian Dahl, og hadde eit nært tilhøve til Noreg.^[1]

Siegwald Dahl
Statsborgarskap	Tyskland
Fødd	16. august 1827 Dresden
Død	15. juni 1902 (74 år) Dresden
Yrke	kunstmålar
Sjanger	portrett, dyremåleri
Far	J.C. Dahl
Mor	Emilie von Block
Siegwald Dahl på Commons

Bakgrunn

Dahl var fødd i Dresden. Han var son av den norske målaren Johan Christian Dahl og den fyrste kona hans Emilie von Block.^[1] Mora døydde kort tid etter fødselen hans. Også den andre kona til J.C. Dahl, Amalie, døydde i barsel, og fleire av syskena hans døydde unge. Berre Siegwald og systera Caroline levde opp.^[1]

Professor Dahl ved staffeliet, 1848, Nasjonalmuseet for kunst, arkitektur og design

Faren var den fyrste læraren hans, og hadde i alle år sterk innverknad over den kunstnariske utviklinga til Siegwald Dahl. Han utdanna seg seinare ved Kunstakademiet i Dresden, der møtet hans med dyremålaren J.F.W. Wegener fekk mykje å seia for han.^[1]

Virke

Dahl gifta seg med Catharina Streidl i 1881.^[1]

Dahl hadde ei sterk tilknyting til Noreg, og han hadde fleire opphald i landet saman med far sin og også etter at denne var død. Han var ein populær kunstnar i Noreg, og bidrog mellom anna til å utsmykka lystslottet Oscarshall på Bygdøy.^[1] Systera Caroline budde i Christiania, der ho var gift med generalkrigskommissær Anders Sandøe Ørsted Bull.^[2]

Siegwald Dahl testamenterte ei stor samling av studiane og teikningane til faren til Nasjonalgalleriet og Bergen Billedgalleri.

Galleri

• 
  «Tauben und Spatzen an der Tränke», 1872
• 
  «Partie aus Telemarken in Norwegen», 1865
• 
  «Bäuerin mit Vieh am Bach», 1872
• 
  «En hest», 1896. Nasjonalmuseet for kunst, arkitektur og design
• 
  «Overfartsscene fra Telemark», 1869. Nasjonalmuseet for kunst, arkitektur og design
• 
  «Hjelle i Valdres», 1850. Nasjonalmuseet for kunst, arkitektur og design