Jabal Amel

Jabal Amel (arabisk جبل عامل jabal ʿāmil) er eit fjellområde i Sør-Libanon. Sjiasamfunnet i Jabal Amil er av dei eldste i historia og berre sjiasamfunnet i Medina er eldre, etter å ha vorte omvendt til sjiaislam av Abu Dharr al-Ghifari, ein av følgjesveinane til profeten Muhammed og ein tidleg støttespelar til Ali.

Jabal Amel
fjellkjede
Land	Libanon
Guvernement	Sør guvernement

Regionen er kalla opp etter Banu 'Amilah, eit jemensk folk som i lag med slektningane Hamadan, Lakhm og Judham, folkesette Syria, Palestina, delar av Jordan og Libanon. Området vart kalla Jabal 'Amilah i antikken og seinare Jabal 'Amil (Jabal Amel). Ei segn fortel at folket Banu 'Amilah flytta frå Jemen til Levanten i før-islamsk tid på grunn av ein flaum som oppstod då Ma'aribdammen vart øydelagd.

Byar

Dei største byane i Jabal Amil er:^[1]

• Sidon (Saida)
• Tyr (Sour)
• Nabatieh
• Jezzine
• Bint Jbeil
• Tibnine

Kjende innbyggjarar

• Hassan Kamel Al-Sabbah, ein vitskapsmann
• Mohamad Bazzi, ein amerikansk journalist
• Hassan Al Amin (1908–2002), ein forskar