Jacob Vidnes

Jacob Laurentius Vidnes (fødd 1875 i Vanylven, daud oktober 1940) var ein norsk journalist, redaktør og politikar for Arbeidarpartiet. Han var redaktør av Social-Demokraten mellom 1912 og 1918, men hadde alt starta som journalist i 1899.

Jacob Vidnes
Fødd	5. november 1875 Vanylven
Død	4. oktober 1940 (64 år)
Statsborgar av	Noreg
Parti	Arbeidarpartiet
Yrke	politikar, journalist, redaktør, fagforeiningsleiar
Utdanna ved	Volda lærarhøgskule

I 1919 vart han sjef for Utanriksdepartemenstets pressekontor. Han var ein av stiftarane av Noregs Socialdemokratiske Ungdomsforbund i 1903, og dessutan redaktør i tidsskriftet Det tyvende århundrede i 1904. Under felttoget i Noreg i 1940 slutta Vidnes seg til regjeringa etter å ha gått på ski gjennom Nordmarka saman med kona si. Han følgde så regjeringa vidare under felttoget i Noreg.^[1] Seinare blei han med regjeringa til Storbritannia der han heldt fram som leiar for Utenriksdepartementets pressekontor. Han starta òg og var redaktør for Norsk Tidend, presseorganet til den norske eksilregjeringa på utefronten under andre verdskrigen, frå 1940 til han døydde.^[2]