Jan Hus

Jan Hus (kring 1370–6. juli 1415) var ein bøhmisk religiøs tenkjar og reformator. Han sette igang ein religiøs bevegelse basert på John Wycliffe sine idear. Følgjarane hans heitte husittar.^[1] Hus er også viktig for utforminga av det tsjekkiske skriftspråket. Han fekk samla og gjeve ut ei tsjekkisk bibelomsetjing, skreiv ei ABC-bok for barn og andre tekstar, som De orthographia bohemica.^[2]

Jan Hus
Fødd	ca. 1370-åra
Fødestad	Husinec
Død	6. juli 1415
Dødsstad	Konstanz

For dei reformatoriske tankane sine kom Hus i konflikt med kyrkja, og i november 1414 blei han fengsla. Han blei alvorleg sjuk. Trass i harde forhøyr ville han ikkje ta tilbake det han hadde sagt, og til slutt blei han dømd som kjettar og avretta ved brenning.^[2]