Janne Ahonen

Janne Petteri Ahonen (fødd 11. mai 1977) er ein tidlegare finsk skihoppar frå Lahti.

Janne Ahonen
Statsborgarskap	Finland
Fødd	11. mai 1977 (48 år) Lahtis
Idrett	skihopping
Tok del i	Vinter-OL 2010, Vinter-OL 2014, Vinter-OL 1994, Vinter-OL 1998, Skihopping under Vinter-OL 2002 – Laghopp, Skihopping under Vinter-OL 2006 – Laghopp, Vinter-OL 2018
Utmerkingar	Holmenkollmedaljen

Frå eit verdscuprenn i Titisee-Neustadt i 2004.

Janne Ahonen er ein av de mestvinnande skihopparane på 1990- og 2000-talet. Den finske storhopparen vann i 1997 VM-gull i liten bakke. I sesongane 1998/99, 2002/03, 2004/2005 og 2005/2006 (saman med Jakub Janda) vann han den prestisjetunge hoppveka samanlagt. Han har fleire pallplasseringar frå store meisterskap. I verdscupen har han vunne 36 enkeltrenn og har totalt 102 pallplasseringar (begge delar pr. november 2012). Ahonen vann verdscupen samanlagt i 2003/2004 og 2004/2005.

I 2005 vart han kåra til årets idrettsutøvar i Finland. Janne Ahonen hadde ei tid verdas lengste skihopp med fall, på 240 meter (på grunn av fallet er ikkje dette ein offisiell verdsrekord).

Ahonen hadde eit opphald som aktiv skihoppar i sesongen 2008/2009. Han kvalifiserte seg til Vinter-OL 2010. Der vart han nummer fire i normalbakken. Han fekk Holmenkollmedaljen i 2011.

Bakgrunnsstoff

• «Janne AHONEN» (på engelsk). FIS. Henta 6. februar 2022.
• «Janne Ahonen» (på engelsk). Olympedia. Henta 6. februar 2022.