Jeffrey Epstein
Amerikansk finansmann og dømd seksualforbytar From Wikipedia, the free encyclopedia
Remove ads
Jeffrey Edward Epstein (fødd 20. januar 1953 Brooklyn i New York, død 10. august 2019) var ein amerikansk finansmann og dømd seksualforbytar.[1][2] Epstein starta sin karriere som lærar, men byrja å arbeide som investor i handelsbanken Bear Sterns før han seinare grunnla sitt eige firma. Han skapte seg i løpet av livet ein sosial omgangskrins beståande av høgtståande menneskjer og anskaffa mange kvinner, inkludert mindreårige jenter, til å bli utsett for seksuelt misbruk av Epstein og nokre av hans kjenningar.[3][4][5]
I 2008 blei Epstein dømd for å ha kjøpt seksuelle tenester av ei 14 år gammal jente. Han erkjente seg skuldig og blei dømd til 13 månader i fengsel, men med omfattande fridom til å ta arbeid. Straffa blei forhandla fram med føderale anklagemyndigheiter, som hadde identifisert 36 offer. Tiltaleavtalen blei signert av Alexander Acosta, dåverande U.S. attourney for Southern District of Florida. Avtalen inneheldt òg immunitet mot alle føderale skuldingar om kriminalitet mot Epstein.[6]
Epstein vart igjen arrestert 6. juli 2019 på bakgrunn av ein føderal tiltale om sexhandel med mindreårige i Florida og New York.[7] Han blei funnen død i cella si i det føderale arresthuset Metropolitan Correctional Center i New York den 10. august 2019. Dødsfallet blei erklært som sjølvmord, men det er stor usemje om omstenda rundt dette.[8] Då dødsfallet utelukka høvet til å for å forfølgje strafferettslige anklager, avviste ein dommar alle straffesaker den 29. august 2019.[9] Epstein hadde eit årelangt forhold med Ghislane Maxwell, som hadde fått vedvarande skuldingar om å ha drive med menneskehandel på vegner av Epstein, noko som førte til at ho vart arrestert i juli 2020.[10] Epstein hadde òg eit nært forhold med Prins Andrew, Hertugen av York.[11]
Remove ads
Referansar
Wikiwand - on
Seamless Wikipedia browsing. On steroids.
Remove ads