Jenny Skavlan

Jenny Ebbing Skavlan (fødd 3. juni 1986) er ein norsk modell, skodespelar, programleiar og forfattar.

Jenny Skavlan
Fødd	3. juni 1986 (39 år)
Fødestad	Oslo
Verka som	skodespelar, skribent, modell, motedesigner, programleiar
Far	Jørgen Skavlan
Ektefelle	Thomas Gullestad

Jenny Skavlan og Erik Solbakken som programleiarar for Melodi Grand Prix 2013.

Liv og virke

Bakgrunn

Skavlan vakste opp på Frogner og Bygdøy i Oslo, som dotter av legen Jørgen Skavlan, medan mor hennar er kostymedesignar og tekstilkunstnar.^[1] Ho er niese til Fredrik Skavlan og trulova med Thomas Gullestad.

Skavlan gjekk på Fagerborg videregående skole, der ho hadde ein av hovudrollane i den tradisjonsrike Fagerborgrevyen to år på rad.^[1]

Karriere

Ho vart fyrst kjend gjennom ein reklamefilm for Pizza Grandiosa i 2007, og ho har seinare hatt roller i norske filmar som Fatso, Død snø og Tomme Tønner. Hausten 2008 deltok ho i Skal vi danse på TV 2. I 2012 debuterte ho som forfattar med boka SY OM. I 2013 var ho programleiar for Melodi Grand Prix 2013, saman med Erik Solbakken.