Jens Zetlitz Monrad Kielland

Jens Zetlitz Monrad Kielland (fødd 29. juli 1866 i Stavanger, daud 8. august 1926 i Oslo) var ein norsk arkitekt og professor i byggekunst ved Noregs tekniske høgskole i Trondheim 1912–18. Han var son av Jacob Kielland og mor Diderikke Jørgine Kielland og far til Jacob Christie Kielland og Else Christie Kielland. Han var assistent for Schak Bull i 1894 og starta eige kontor i Bergen i 1895. Han fekk tidleg i karrieren ei rekkje omfattande oppdrag som Gamlehaugen til Christian Michelsen i 1899 og den nye Tyskebryggen i 1900. Arkitekturen til Kielland var stilmessig ofte nasjonalt og regionalt forankra, sjølv om den internasjonale jugendstilen òg er svært utprega i mange av bygningane hans. I Bergen fekk han oppført ei rekkje andre offentlege og private byggverk, mellom dei jernbanestasjonen. Etter bybrannen i Ålesund i 1904 teikna han ei rekkje av dei nye husa i byen. Han arbeidde seinare som arkitekt i Kristiania.

Jens Zetlitz Monrad Kielland
Statsborgarskap	Noreg
Fødd	29. juli 1866 Stavanger kommune
Død	8. august 1926 (60 år) Oslo
Yrke	arkitekt
Far	Jacob Kielland
Jens Zetlitz Monrad Kielland på Commons

Vestre Torggate 28. Bygård i tegl av J.Z.M. Kielland frå 1896 med drakestilsornamentikk

Galleri

• 
  Gamlehaugen i Bergen.
• 
  Det hvite hus i Bergen er teikna av Kielland i jugendstil
• 
  Liljeornamentikk over inngangspartiet på Det khite hus i Bergen
• 
  Bergen stasjon