Jentegruppe

Ei jentegruppe (engelsk girl group) er ei musikalsk gruppe som består av fleire kvinnelege songarar som generelt syng i lag i harmoni. Omgrepet «jentegruppe» vert i snevrare forstand nytta om ei bølgje av amerikanske kvinnelege popgrupper, mange påverka av doo-wop, som oppstod seint i 1950- og tidleg i 1960-åra då den første rock and roll-bølgja var på hell og før den britiske bølgja byrja.^[1][2]

Jentegruppe
Stilmessig opphav	1930-åra til 1970: varieté, vaudeville, swing, jump blues, rhythm and blues, rock and roll, soul, gospel, tradisjonell pop 1970–1990: disco, power pop, poprock Etter 1990: pop, dance-pop, tenåringspop, pop-punk, contemporary R&B, hiphop, electropop, k-pop, j-pop
Kulturelt opphav	1930-åra i USA
Typiske instrument	Vokal, elektronisk akkompagnement, elektrisk gitar, bassgitar, trommer, klaverinstrument
Avleidde former	Guteband, tenåringspop, riot grrrl, tyggegummipop

Band der alle medlemmane er kvinner og spelar alle instrumenta sjølv vert vanlegvis rekna som noko anna, og vert stundom omtalt som «jenteband».^[3]

Etter kvart som musikk- og radioindustrien oppstod, oppstod ei rekkje jentegrupper, som Andrews Sisters. Seint i 1950-åra dukka ei rekkje kvinnelege vokalgrupper opp og i alt var det 750 jentegrupper som gav ut songar som nådde salslistene i USA og Storbritannia mellom 1960 og 1966.^[4] The Supremes aleine fekk 12 singlar på toppen av Billboard Hot 100 på sitt mest populære og gjennom heile den britiske bølgja var dei nesten like populære som The Beatles.^[5] I seinare tider har jentegruppe-malen blitt nytta innan disco, moderne R&B og country, i tillegg til innan pop. Ein meir globalisert musikkindustri førte til at danseprega popmusikk vart ekstremt populært.^[6] Denne bølgja, leia av USA, Storbritannia, Sør-Korea og Japan, har skapt særs populære grupper og åtte grupper som debuterte etter 1990 har seld meir enn 15 millionar fysiske album kvar. Sidan seint i 2000-åra har òg Sør-Korea blitt særs populære og åtte av dei ti mest nedlasta jentegruppene verda over kjem derfrå.

Bestseljande jentegrupper

Artist	Nasjonalitet	Tal på medlemmar	Aktiv periode	Sjanger	Studioalbum	Påstått sal
Spice Girls	Storbritannia	5 → 4 → 5	1994–2000, 2007–2008 (8 år)	Pop	3	85 millionar[7][8]
The Andrews Sisters	USA	3	1925–1952, 1954–1967 (38 år)	Tradisjonell pop swing	12	75 millionar[9]
TLC	USA	3 → 2	Sidan 1991	Moderne R&B Hiphop	5	70 millionar[10]
Destiny's Child	USA	4 → 3	1997–2006 (9 år)	R&B	5	60 millionar[11]
Pussycat Dolls	USA	6 → 5	2003–2010 (7 år)	Pop R&B	2	54 millionar[12]
AKB48	Japan	Rotasjonsbasert	Sidan 2005	J-pop	8	51 millionar[13]
Bananarama	Storbritannia	3 → 2 → 3	Sidan 1979	Pop	10	40 millionar[14][15]
The Pointer Sisters	USA	2 → 3 → 4 → 3 → 4	Sidan 1969	R&B Soul Pop	16	40 millionar[16]
Little Mix	Storbritannia	4	Sidan 2011	Pop R&B	4	39 millionar[17]
t.A.T.u.	Russland	2	2000–2014 (14 år)	Pop	3	25 millionar[18]
The Supremes	USA	3	1959–1977 (18 år)	Pop	29	20+ millionar[19][20]

Merknad:

• Det nøyaktige salstalet til The Supremes er ukjend. Estimata varierer frå 20 millionar til opp mot 100 millionar plater.^[21]

Sjå òg

• Gutegrupper