Jerv

Jerv eller fjellfross (Gulo gulo) er eit rovpattedyr som høyrer til mårfamilien, og er det største mårdyret i Noreg.^[2] Jerv finst i spreidde bestandar sirkumpolart i nordlege fjellområde.^[3]

Jerv
Jerv
Utbreiing og status
Status i verda: Livskraftig Status i Noreg: Sterkt truga[1] Utbreiinga av jerv
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Rovpattedyr Carnivora
Familie:	Mårfamilien Mustelidae
Slekt:	Gulo
Art:	Jerv G. gulo
Vitskapleg namn
Gulo gulo Linnaeus, 1758

Jerven, som kan ha vege opptil 25 kg, er kraftbygd og sterk etter storleiken. Han går på heile solen av foten, noko som gjer det lettare for han å gå på overflata av snøen.^[2] Bitet er kraftig slik at han kan ete frose kjøt og knuse knoklar frå store dyr for å få tak i beinmargen. Jerven kan drage med seg byttedyr fleire gonger større enn seg sjølv. Dei lagrar føda i myrhol, bekker osb. for vinteren.

Om vinteren har jerven rein som hovudføde, men lever også av åtsel, både det han finn og vinterlager han har lagt seg opp.^[2] Sommardietten er meir variert, med fuglar, små og mellomstore pattedyr og plantar på menyen.

Jerv filma i Helsinki dyrehage.

Raudlistevurdering

Jerv (Gulo gulo) blir vurdert som sterkt truga EN fordi det er få reproduserande individ i Noreg.^[1]