Jesus He Knows Me

«Jesus He Knows Me» er ein song av det britiske bandet Genesis frå 1991 på albumet We Can't Dance. Det var den fjerde singelen frå albumet. Songen er ein satire om televangelisme og kom ut i ein periode då fleire televangelistar som Robert Tilton, Jim Bakker, Larry Lea og Benny Hinn var under etterforsking for å love økonomisk suksess til lyttarane om dei berre sende dei pengar. Songen nådde 20. plass i Storbritannia og 23. plass i USA.

Jesus He Knows Me Singel av Genesis frå albumet We Can't Dance
B-side	Hearts on Fire
Språk	engelsk
Utgjeve	13. juli 1992
Innspelt	Mars til september 1991
Studio	The Farm, Surrey
Sjanger	Progressiv rock
Lengd	4:18 (singel)
Selskap	Atlantic, Virgin
Komponist	Tony Banks, Phil Collins, Mike Rutherford
Tekstforfattar	Tony Banks, Phil Collins, Mike Rutherford
Låtskrivar(ar)	Tony Banks, Phil Collins, Mike Rutherford
Produsent	Genesis, Nick Davis
Genesis-kronologi
«Hold on My Heart» (1992)	Jesus He Knows Me	«Never a Time» (1992)

Utgjeving

Som alle singlane på We Can't Dance vart «Jesus He Knows Me» gjeven ut på to CD-ar, og på vinyl. Alle formata hadde songen «Hearts on Fire» (seinare utgjeven på Genesis Archive #2 1976-1992) som B-side.

Den første CD-en hadde òg med «I Can't Dance (The Other Mix)» (ein remix av Ben Liebrand) og den andre hadde med «Land of Confusion (Rehearsal Version)». «The Other Mix» fekk dette namnet fordi «Sex Mix» vart gjeven ut nokre månader tidlegare på singelen til «I Can't Dance».

Songen vart nytta i den belgiske filmen Le huitième jour av Jaco Van Dormael i 1996.

Konsertversjonar

Songen vart framført på konsertane i 1992.

Musikkvideo

I videoen spelar songaren Phil Collins ein skruppellaus televangelist som lever som ein millionær på grunn av donasjonane frå lyttarane sine. Den komiske videoen har òg med bandmedlemmane Tony Banks og Mike Rutherford, som òg spelar evangelistar. Collins har på ein oransje dress og prøver å få sjåarane til å sende inn 18 000 000 dollar på ei helg fordi «Herren bad han om det». I slutten av videoen regnar det pengar over Collins.

I videoen kan ein sjå folk som held eit skilt som seier «Genesis 3:25», som ikkje referer til Bibelen (Første mosebok heiter Genesis på engelsk), men viser til at bandet hadde tre medlemmar og at dei hadde vore i lag i 25 år. Ikkje alle forstod denne referansen og trudde det berre var ein spøk sidan det tredje kapittelet i Første mosebok berre har 24 vers.

Innhald

CD maxi

1. «Jesus He Knows Me» (single mix) — 4:18
2. «Hearts on Fire» — 5:15
3. «I Can't Dance» (the other mix) — 6:00

7" singel

1. «Jesus He Knows Me» (single mix) — 4:17
2. «Hearts on Fire» — 5:15

Salslister

Vekeslister Liste (1992) Plassering Australia (ARIA)[1] 56 Austerrike (Ö3 austerriksk Topp 40)[2] 26 Belgia (Ultratop 50 Flandern)[3] 18 Canada Top Singles (RPM)[4] 10 Canada Adult Contemporary Tracks (RPM)[5] 22 Frankrike (SNEP)[6] 27 Tyskland (Media Control AG)[7] 13 Irland (IRMA)[8] 22 Nederland (Nederlandsk Topp 40)[9] 11 Nederland (Mega Single Top 100)[10] 18 New Zealand (RIANZ)[11] 35 Sverige (Sverigetopplistan)[12] 38 UK Singles (Official Charts Company)[13] 20 US Billboard Hot 100[14] 23 US Billboard Adult Contemporary[14] 27 US Billboard Mainstream Rock Tracks[14] 24 US Billboard Top 40 Mainstream[14] 12 Liste (2017) Plassering Polen (Den polske Topp 5-lista)[15] 67

Årslister Liste (1992) Plassering Canada Top Singles (RPM)[16] 89 Tyskland (Official German Charts)[17] 74