Joggesko

Joggesko er ein lett sko som finst i mange ulike variantar og vert brukt til mange ulike føremål. Dei kan brukast til kvardagsbruk, til fritidsbruk eller til trening.^[1][2][3] Joggesko har namnet etter det å jogga, som er ei form for lett lauping, og dei må ikkje forvekslast med laupesko, som er spesialdesigna for lauping.^[4][5]

Eit par joggesko av merke Nike Inc.

Joggesko vert som regel laga av plast, kunstlêr og tekstil, og kombinasjonar av desse. Skoa har ein mjuk, og ofte ein fjærande, sole. Skoa kan utstyrast med lisser eller borrelås. Skoa vert laga både for born og vaksne, og er ofte billegare enn spesialkonstruerte laupesko, og fungerer lagleg til lauping eller andre idrettar.