Johannes Junge

Johannes Junge (levde i fyrste del av 1400-talet) var ein tysk bilethoggar som var verksam i Lübeck i seingotikken, rundt 1406-1428.^[1] Ein kjenner ikkje til noko om livet eller utdanninga hans og ingen verk kan med sikkerheit seiast å vere laga av Junge.

Johannes Junge
Fødd	1400 (625 år)
Yrke	bilethoggar
Johannes Junge på Commons

Margrethe I sitt gravmæle i Roskilde domkyrkje.

Foto: Nils Jepsen

Ein antek at sarkofagen hennar Margrethe I i Roskilde domkyrkje er laga av Junge, men det er usikkert. I følgje eit dokument frå 1446 har Junge laga eit gravmæle i Danmark, men det finnast ikkje prov for at det var sarkofagen hennar Margrethe.^[2] Undersøkingar av den svarte kalksteinen som er nytta i sarkofagen har vist at den kjem frå Skåne.^[2] Det kan moglegvis tyde på at sarkofagen er laga i Danmark av ein innkalla verkstad. Gravsteinen som er nytta til grava til biskop Peder Jensen Lodehat i domkyrkja er laga av same steinsort.^[2]