Jon Herwig Carlsen

Jon Herwig Carlsen (15. april 1937–10. april 2022) var ein norsk sportskommentator som var tilsett i NRK frå 1967 til 2007, etter det som frilansar til 2012. Carlsen var nok best kjend som langrenns- og skiskyting-kommentator saman med Kjell Kristian Rike, der Carlsen jamleg las opp eigenproduserte og innsendte limerick – til enkelte sjåarar sin hugnad, og andres irritasjon.

Jon Herwig Carlsen
Statsborgarskap	Noreg
Fødd	15. april 1937 Oslo
Død	10. april 2022 (84 år) Asker kommune
Yrke	sportskommentator, sportsjournalist, programleiar, handballspelar, ishockeyspelar, pedagog
Organisasjon	NRK Sport
Prisar	Gullrutens hederspris, Kongens fortenestemedalje i sølv
Jon Herwig Carlsen på Commons

Carlsen kommenterte langrenn og skiskyting i kvart einaste OL og VM frå 1970-talet til fram til 2012.^{[treng kjelde]} I fleire år kommenterte han skihopp saman med Arne Scheie. Carlsen kommenterte òg ishockey, motorsport, segling, padling, roing, curling og sykling for NRK.

I tillegg til jobben i sportsredaksjonen var Carlsen NRKs trafikkjournalist i mange år, og var ansvarleg for programmet Trafikkposten.