Jubail
From Wikipedia, the free encyclopedia
Remove ads
Jubail (arabisk الجبيل, Al Jubayl) er ein by i Austprovinsen i Saudi-Arabia ved kysten av Persiabukta. Her ligg det største industriområdet i Midtausten og eit av dei største industriområda i verda. Han er heimstaden til det største petrokjemiske selskapet i Midtausten og det fjerde største i verda. Jubail består av gamlebyen Al Jubail (Jubail Balad), som var ein liten fiskelandsby fram til 1975, og det nye industriområdet.
- For Jubayl i Libanon, sjå Byblos.
I 1975 valde den saudiarabiske regjeringa å byggje ein ny industriby i Jubail, og rask utviding og industrialisering følgde. Det nye industri- og bustadområdet vart kalla Madīnat al Jubayl aṣ Ṣinā`īyah (Jubail industriby). I 2005 var folketalet i byen 224 430.
Remove ads
Historie
Byen Al-Jubail ved Persiabukta har gamle røter. Det har budd folk her minst 7 000 år bakover i tid, då folket frå Dilmun oppretta ein busetnad her. Landsbyen Al Jubail vart grunnlagd av familiar som Albuainain, Alkhaldi og Aalkhater på 1700- og 1800-talet.
Bechtel byrja arbeidet med å byggje Jubail industriby for meir enn 30 år sidan, og held framleis på med arbeidet. I 2004 fekk dei oppdraget med å byggje ut Jubail II, ei utviding av industri- og bustadområde, til ein kostnad på 3,8 milliardar dollar.
Remove ads
Kjelder
- Denne artikkelen bygger på «Jubail» frå Wikipedia på engelsk, den 25. mai 2016.
Bakgrunnsstoff
Wikiwand - on
Seamless Wikipedia browsing. On steroids.
Remove ads