Julia Gillard

Julia Eileen Gillard (fødd 29. september 1961) er ein australsk arbeidarpartipolitikar som var statsminister i Australia frå 2010 til 2013. Ho var Australias første kvinnelege statsminister og den første utanlandsfødde statsministeren sidan Billy Hughes.^[1][2][3]

Julia Eileen Gillard
Fødd	29. september 1961 (64 år) Barry i Wales i Storbritannia
Statsborgar av	Australia
Parti	Australian Labor Party
Religion	ateisme
Yrke	politikar, advokat
Institusjonar	Slater and Gordon
Utdanna ved	University of Adelaide Melbourne Law School Unley High School
Far	John Oliver Gillard
Sambuar	Tim Mathieson
Verv	Statsminister i Australia 24. juni 2010–27. juni 2013
Føregangar	Kevin Rudd
Etterfylgjar	Kevin Rudd
Alle verv	Australias statsminister (2010–2013) Deputy Prime Minister of Australia (2007–2010) Australias undervisningsminister (2007–2010) Minister for Employment and Workplace Relations (2007–2010) Minister for Social Inclusion (2007–2010) Manager of Opposition Business in the House (2003–2006) Commonwealth Chairperson-in-Office (2011–2013) medlem i det australske Representantenes hus (1998–2013)

Bakgrunn

Gillard er dotter av ein walisisk kolgruvearbeidar, og har Aneurin Bevan som eit politiske førebilete.^[4]

Familien emigrerte til Australia i 1966 for å la Julia vekse i eit varmare klima på grunn av at ho hadde astma.^[5] Dei busette seg i Adelaide. I 1978 vart Gillard uteksaminert frå Unley High School. Deretter studerte ho ved University of Adelaide før ho byrja studere kunst og juss ved University of Melbourne. Ho vart uteksaminert i 1986.

I 1987 byrja Gillard i advokatfirmaet Slater & Gordon i Werribee i Victoria, der ho arbeida innanfor arbeidsrett.^[6] I 1990, då ho var 29 år, vart ho partnar i advokatfirmaet.^[7]

Politisk virke

Gillard vart første gong vald inn i det australske parlamentet frå ein krets i Melbourne i 1998 og seinare gjenvald i 2001, 2004 og 2007.^[8]

I 2006 vart Julia Gillard vald til nestleiar for Australian Labor Party og 24. juni 2010 vart ho leiar, etter at statsminister Kevin Rudd trekte seg som følgje av leiarstriden i partiet.^[9]

Ho vant valet i Australia 2010 og vart statsminister. 26. juni 2013 tapte ho leiarvalet i partiet mot Kevin Rudd. Ho leverte deretter ein avskjedssøknad som statsminister, og Kevin Rudd overtok stillinga 27. juni 2013.