Junkanoo

Junkanoo er ein karibisk gateparade av afrikansk opphav med musikk, dans og fargeglade klede som blir halden på fleire øyar i Karibia. Han er særleg assosiert med Bahamas.^[1][2] Her blir junkanoo tradisjonelt feira den 26. desember og 1. januar kvart år. Under paraden marsjerer ein og dansar til trommer, fløyter og kubjøller.

Junkanoo i Bahamas i 1988.

Paraden har opphav blant slavar av vestafrikansk opphav som kom til Karibia og austlege USA og fekk høve til å feira nokre få høgtider, då dei kunne kle seg ut og dansa.

Junkanoo-paraden blir avbilda i Bond-filmen Operasjon Tordensky frå 1965, som i stor del føregår i Nassau. Paraden gjev James Bond ein sjanse til å rømma frå fangenskap.