Käärijä

Jere Pöyhönen (fødd 21. oktober 1993 i Helsingfors), kjend under artistnamnet Käärijä (uttalast [ˈkæːrijæ]), er ein finsk rappar, songar og låtskrivar. I 2020 gav han ut debutalbumet Fantastista, og i 2023 vann han den finske songtevlinga Uuden Musiikin Kilpailu med låten «Cha cha cha». Han representerte Finland med same låt i Eurovision Song Contest 2023, der han blei nummer to.

Käärijä
Fødd	21. oktober 1993 (31 år)
Fødestad	Helsingfors
Fødenamn	Jere Pöyhönen
Alias	Käärijä
Opphav	Finland
Aktiv	2016–
Sjanger	pop rap, elektronisk musikk, synthpop, rap metal, punk-rap
Instrument	vokal
Plateselskap	Monsp Records
Verka som	rappar, songar, låtskrivar, ishockeyspelar
Prisar	MTV Europe Music Award for Best Nordic Act

Bakgrunn

Käärijä på scena under Eurovision Song Contest 2023 i Liverpool.

Pöyhönen vaks opp i Ruskeasanta-området i Vanda i Hovudstadsregionen. Han oppdaga sin lidenskap for musikk då han lærte seg trommer som tenåring, og byrja med rapping med Eminem, Steen1 og Gorillaz som førebilete.^[1]

Pöyhönen byrja å produsere eigen musikk i 2014 og gav ut musikk på eige forlag fram til 2017 då han fekk platekontrakt med Monsp Records. Han gav ut dobbeltsingelen «Koppi tules» / «Nou roblem».^[1] Året etter gav han ut EP-en Peliä. I 2020 slapp han debutalbumet Fantastista.^[2]

Pöyhönen valde artistnamnet Käärijä (norsk: innpakning), etter ein spøk med kompisane om gambling – eit gjennomgåande tema i tekstene hans.^[3]

I januar 2023 blei Käärijä kunngjord som ein av sju deltakarar i den finske songtevlinga Uuden Musiikin Kilpailu 2023, der vinnaren fekk representere Finland i Eurovision Song Contest 2023.^[4][5] Han deltok med låten «Cha cha cha», som han har skrive med Aleksi Nurmi og Johannes Naukkarinen, og låten blei gjeven ut 18. januar. Under finalen laurdag 25. februar vann han både jury- og telefonavrøystinga, og han fekk dimed representere Finland i Eurovision Song Contest i Liverpool i mai 2023.^[6]

I Eurovision Song Contest 2023 var Käärijä siste deltakar ut i den fyrste semifinalen tysdag 9. mai. Han vann semifinalen og kvalifiserte seg dimed til finalen laurdag 13. mai.^[7] I finalen blei han nummer to, bak Loreen frå Sverige. Finland vann telefonavrøystinga, og andreplassen er den nest beste plasseringa til Finland gjennom tidene, kun slått av sigeren med Lordi i 2006.

Diskografi

EP-ar

• 2018 – Peliä

Studioalbum

Tittel	Detaljar	Høgaste listeplassering
		FIN [8]
Fantastista	Gjeve ut: 2020 Merke: Monsp Records	50

Singlar

Tittel	År	Høgaste listeplassering	Album
		FIN [8]
«Heila» (med Urho Ghettonen)	2016	—	Ikkje frå album
«Urheilujätkä» (med Jeskiedes)		—
«Puun takaa»		—
«Tuuliviiri»	2017	—
«Ajoa»		—
«Koppi tules» / «Nou roblem»		—
«Klo23»	2018	—	Peliä
«Puuta heinää»		—
«Viulunkieli»		—	Fantastista
«Rock rock»	2019	—
«Hirttää kiinni»		—
«Mic mac»		—
«Paidaton riehuja»	2020	—	Ikkje frå album
«Menestynyt yksilö»	2021	—
«Siitä viis»		—
«Välikuolema»	2022	—
«Cha cha cha»	2023	1
«It’s Crazy, It’s Party» (med Tommy Cash)		—