Kanslar

Kanslar (norrønt kanceler, frå mellomalderlatin cancellarius) er ei stilling som kan visa til leiaren for eit kanselli, ein minister eller ein høgståande embetsmann.^[1] Opphavleg viste tittelen til ei underordna stilling innan administrasjonen til det seinare Romarriket. Seinare i mellomalderen blei det brukt om geistlege som verka i kongeleg teneste som stod for offentlege skriv og kontrollerte rikssegl.^[2]

I moderne tysk samanheng er kanslaren regjeringssjef (Reichskanzler, Bundeskanzler).

Sjå òg

• kanselli
• kanslar i Noreg
• Tyske kanslarar
• Rikskanslar i Storbritannia