Kapp Circoncision

Kapp Circoncision er ei halvøy på nordvestenden av den subantarktiske Bouvetøya i Sør-Atlanteren. Halvøya skil Esmarchkysten og Morgenstiernekysten.

Kapp Circoncision
nes
Depothytte på Kapp Circoncision. Frå den tredje Norvegia-ekspedisjonen 1929.
Land	Bouvetøya
Koordinatar	54.398150°S 3.294402°E / -54.398150; 3.294402
Kapp Circoncision 54.4109°S 3.3467°E / -54.4109; 3.3467
Kart som viser Kapp Circoncision. Kart som viser Kapp Circoncision.

Bouvetøya vart oppdaga av den franske marineoffiseren Jean-Baptiste Charles Bouvet de Lozier 1. januar 1739. Bouvet de Lozier trudde at øya var ein del av Terra Australis og gav staden namnet Cap de la Circoncision (norsk: Omskjærelsens forberg) etter kyrkjefesten same dag.^[1] Seinare har øya vorte namngjeven etter oppdagaren, medan det originale namnet har blitt gjeve denne halvøya på nordvestkysten.

Under den andre Norvegia-ekspedisjonen 1928–29 vart det oppført ei depothytte på Kapp Circoncision, og året etter vart ytterlegare ei hytte oppført her av den tredje Norvegia-ekspedisjonen.