Keshorn Walcott

Keshorn Walcott (fødd 2. april 1993) er ein trinidadsk spydkastar som vart olympiameister i øvinga under OL 2012 i London og i verdsmeisterskapen 2025 i Tokyo.

Keshorn Walcott
Statsborgarskap	Trinidad og Tobago
Fødd	2. april 1993 (32 år) Toco
Yrke	spydkastar, friidrettsutøvar
Høgd	183 centimeter
Keshorn Walcott på Commons

Nittenårgamle Walcott sette personleg rekord med 80,11 m i mai 2012 under eit stemne i Havana. 1. juli forbetra han rekorden til 82,83 m i San Salvador. Han deltok så i verdsmeisterskapen for juniorar i Barcelona, der han vart meister med 78,64 m.

I kvalifiseringa til finalen i spydkast under sommar-OL 2012 kasta han 81,75 m og gjekk greitt vidare. I finalen sette han trinidansk rekord med 83,51 m og leia etter fyrste omgang. Han auka leiinga i andre omgangen med eit kast på 84,58 m. Ingen av dei andre finalekastarane klarte sidan å kaste lengre enn Walcott, nærast var Oleksandr Pjanytsja frå Ukraina som i tredje omgang var berre sju centimeter kortare enn Walcotts lengstekast.

Medaljar i internasjonale meisterskap

• OL 2012 i London: Gullmedalje – 84,58 m, framom Oleksandr Pjanytsja (84,51 m)
• VM 2013 i Moskva: Utslått i kvalifiseringa (78,78 m=nr 19)
• VM 2015 i Beijing: Utslått i kvalifiseringa (76,83 m=nr 26)
• OL 2016 i Rio de Janeiro: Bronsemedalje – 85,38 m
• VM 2017 i London: Nr 7 – 84,48 m
• VM 2019 i Doha: Nr 11 – 77,47 m
• OL i 2021 i Tokyo: Utslått i kvalifiseringa (79,33 m=nr 16)
• VM 2022 i Eugene: Utslått i kvalifiseringa (78,87 m=nr 16)
• OL 2024 i Paris: Nr 7 – 86,16 m
• VM 2025 i Tokyo: Gullmedalje – 88,16 m, framom Anderson Peters (87,38 m)