Kfar Hasidim

Kfar Hasidim (hebraisk skrift כְּפַר חֲסִידִים, tyder 'Hasidimlandsbyen'), òg kalla Kfar Hasidim Alef for å skilje han frå Kfar Hasidim Bet, er ein moshav nord i Israel. Han ligg nær Kiryat Ata og høyrer til Zevulun regionale kommune. I 2006 hadde han eit folketal på 572.

Kfar Hasidim
landsby
Land	Israel
Region	Galilea
Distrikt	Haifa distrikt
Kommune	Zevulun
Koordinatar	32°44′35.52″N 35°5′36.59″E
Folketal	798 (2015)
Grunnlagd	1924
•  Grunnlagd av	Polske emigrantar
Kfar Hasidim 32.7432°N 35.093497222222°E / 32.7432; 35.093497222222
Kart som viser Kfar Hasidim. Kart som viser Kfar Hasidim.
Wikimedia Commons: Kfar Hasidim

Landsbyen vart grunnlagd i 1924 av ei gruppe hasidisk emigrantar frå den fjerde Aliyah som hadde førebudd seg i Polen. Sjølv om den hasidiske byen Bnei Brak alt var grunnlagd, var målet denne gongen å skape ein jordbruksbusetnad i staden for ein urban busetnad.

Shlomo Goren, den framtidige leiaren for det militære rabbinatet i Det israelske forsvaret og sidan askenasisk øvsterabbinar i Israel frå 1973 til 1983, voks opp i Kfar Hasidim, som faren hans var med på å grunnleggje.

I 1950 Kfar Hasidim Bet vart grunnlagd i nærleiken av innbyggjarar frå Kfar Hasidim som ikkje var bønder. I dag er landsbyen hovudsakleg nasjonalreligiøs og sekulær. Kfar HaNoar HaDati ungdomslandsby ligg like nær moshaven.