Kilkís

Kilkís (gresk Κιλκίς, slavisk Кукуш, Kukuš, tyrkisk Kılkış) er ein kommune og ein industriby i periferieininga med same namn i Sentral-Makedonía i Hellas, der han er hovudstad.

Kilkís Lokalt namn Κιλκίς
Geografi
Stad	Makedonía
Koordinatar	40°59′N 22°52′E
Areal	1 581,2 km²
Administrasjon
Land	Hellas
Periferi Periferieining	Sentral-Makedonía Kilkís
Hovudsete	Kilkís (23 182 innb.)
Demografi
Folketal	45 308 (2021[1])
Folketettleik	28,7 /km²

Historie

Byen vart styrt av Det osmanske riket før han vart teke av Bulgaria under den første balkankrigen i 1912. I den andre balkankrigen i 1913 erobra den greske hæren byen etter eit tre dagar langt slag 19. til 21. juni. Den greske sida mista over 5 000 soldatar, medan Bulgaria mista 7 000 og den greske sigeren var eit stort steg mot siger i krigen. Kilkís vart nesten lagd i grus under krigen og dei bulgarske innbyggjarane vart flytta til Bulgaria etter Neuillytraktaten. Den nye byen vart bygd opp att nærare jernbanen til Thessaloníki og vart busett av grekarar frå Bulgaria og Vesleasia.

Bulgaria okkuperte byen igjen under den andre verdskrigen, men han vart frigjeve i 1944.

Administrativ inndeling

Kart over kommunaleiningane i kommunen Kilkís. ██ 1 - Kilkís ██ 2 - Kroússa ██ 3 - Doiráni ██ 4 - Khérso ██ 5 - Mouriés ██ 6 - Pikrolímni ██ 7 - Gallikós

Den tidlegare kommunen Kilkís, no kommunaleininga Kilkís

Kommunen vart danna i 2011 ved at ein slo saman dei tidlegare kommunane

• Kilkís
• Kroússa
• Doiráni
• Khérso
• Mouriés
• Pikrolímni
• Gallikós

Dei sju tidlegare kommunane er no kommunaleiningar.^[2]

Ved folketeljinga i 2021 hadde kommunen 45 308 innbyggjarar, medan kommunaleininga Kilkís hadde 27 493 og tettstaden med same namn 23 182 innbyggjarar.^[1]

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011[3]	Folketal 2021[1]
Kilkís	Kilkís	22 014	23 182
Néa Sánda	Gallikós	1 693	1 235
Néo Ajonéri	Pikrolímni	1 176	1 014
Kambánis	Gallikós	1 170	977
Gallikós	Gallikós	969	794
Stathmós Mourión	Mouriés	1 040	775
Paleó Ajonéri	Pikrolímni	886	773
Kristóni	Kilkís	988	687
Khérso	Khérso	814	665
Pedinó	Gallikós	817	655
Mikrokámbos	Pikrolímni	731	529
Drosáto	Doiráni	713	523
Khorýjo	Kilkís	668	494
Mavronéri	Pikrolímni	535	454

Kjelder

• Denne artikkelen bygger på «Kilkis» frå Wikipedia på engelsk, den 17. september 2007.