Klassisk indisk musikk

Klassisk indisk musikk viser til sørasiatiske musikktradisjonar som byggjer på ragaer og musikkreglane skildra i verk frå oldtida og mellomalderen. Dei to klassiske hovudtradisjonane er karnatisk musikk frå Sør-India og hindustanimusikk frå Nord-India, Pakistan, Bangladesh og til ein viss grad Nepal og Afghanistan.

Døme på hindustanimusikk: Spel på bambusfløyta bansuri.

Døme på karnatisk musikk: Spel på bambusfløyta venu i ragaen mayamalavagowla.

Av klassiske musikkverk kan nemnast Natyasjastra frå ein gong mellom 200-talet f.Kr og 200-talet e.Kr., som la grunnlaget for indisk musikk, dans og drama, Brihaddeśi frå om lag 700-talet, det eldste verket som definerer ragaer.