Kohekohe

Kohekohe (Dysoxylum spectabile) er eit middels stort tre som er endemisk på New Zealand. Det veks i låglandet og i skogar ved kysten over det meste av Nordøya og finst også i Marlborough Sounds nord på Sørøya. Utvaksne tre veks seg opptil 15 m høge, og kan ha ein stamme på inntil ein meter i diameter. Kohekoheskogar var vanlege i dei fuktige kyst- og låglandsdistrikta på Nordøya, men desse skogane er no for det meste borte fordi landområda vart rydda og oppdyrka eller brukt til busetjing. Trea har også vorte utsette for stor skade frå possum (revekusu).

Kohekohe dannar klasar av duftande kvite blomar direkte frå stammen eller greinene.

Kohekohe
Kohekohe
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Sapindales
Familie:	Meliaceae
Slekt:	Dysoxylum
Art:	Kohekohe D. spectabile
Vitskapleg namn
Dysoxylum spectabile Hook.f., 1864

Kohekohe har kjenneteikn ein normalt tillegg treslag som veks i tropane. Trea dannar til dømes kvite, duftande blomar direkte frå stammen eller greinene, og har store, lange og blanke blad, opp til 40 mm lange. Kohekohe vert stundom kalla New Zealand sin mahogni, fordi veden er lett, sterk, og kan polerast til ein vakker raudfarge.

Dei spisse blada er store og blanke.

Maoriane kokte borken i vatn og drakk det som ein styrkedrikk. Veden vart brukt til kanobygging, men han er mjuk og ikkje så haldbar som hardved, og rotnar snøgt. Han egnar seg derimot godt til treskjering. Kohekohe dominerte truleg vegetasjonen på Kapiti Island før skogen vart rydda tidleg på 1900-talet for å gje rom til dyrkbart jordbruksland. Kohekoheskogen på Kapiti er i ferd med å veksa til att etter at possum vart utrydda i 1986.

Kjelder

• «Dysoxylum spectabile». New Zealand Plant Conservation Network. Henta 4. august 2008.
• «Dysoxylum spectabile». Flora of New Zealand. Henta 4. august 2008.
• «Kohekohe». An Encyclopaedia of New Zealand. 1966. Henta 4. august 2008.

---

• Denne artikkelen bygger på «Kohekohe» frå Wikipedia på engelsk, den 4. august 2008.

Bakgrunnsstoff

Wikimedia Commons har multimedia som gjeld: Kohekohe

• Maori uses: Medicinal plants, Trees & Shrubs: Kohekohe, Dysoxylum på Wayback Machine (arkivert 8. februar 2013).
• (en) Kohekohe i Catalogue of Life
• (en) Kohekohe i Global Biodiversity Information Facility
• (en) Kohekohe hos NCBI
• (en) Kohekohe hos Plants of the World Online
• (en) Kohekohe hos The International Plant Names Index
• (en) Kohekohe hos Tropicos
• (en) Kategori:Dysoxylum spectabile – bilete, video eller lyd på Wikimedia Commons
• (en) Dysoxylum spectabile – galleri av bilete, video eller lyd på Wikimedia Commons
• Didymocheton spectabilis – detaljert informasjon på Wikispecies