Kolkabreen

Kolkabreen er ein isbre i Nord-Ossetia i Russland, nær Kazbek. Breen er kjend for bresurge-hendingane, og den siste og mest alvorlege skjedde 20. september 2002 då minst 125 menneske omkom.^[1]

Kolkabreen
isbre
Kolkabreen i 2001
Land	Russland
Område	Nord-Ossetia
Type	Dalbre
Areal	2,47 km² Inkludert hengande delar: 3,74 km²
Toppunkt	3130 moh.
Endepunkt	Morene
Status	Veksande
Kolkabreen 42.739722222222°N 44.473333333333°E / 42.739722222222; 44.473333333333
Wikimedia Commons: Kolka Glacier

Det er fleire isbrear i nedbørsområdet til elva Genaldon. Den største er Maili på om lag 6,8 km². Kolkabreen, ved sida av Maili, er ein dalbre med nokre hengande delar. Kolka veks ved hjelp av snøras og firn som kollapsar og is året rundt. Breen strekkjer seg frå 3000 til 3450 meter over havet. Meir enn to tredjedelar av isavsmeltingssonen er dekt av eit morenelag opp til ein meter tjukt. Dette og andre trekk, som ei forholdsvis slak helling, ein djup dalbotn og sidemorener, hindrar brestraumen og tvingar han i ein skarp sving, som gjer at det lett samlar seg opp smeltevatn under breen.