Kommunal- og distriktsdepartementet

Kommunal- og distriktsdepartementet (tidlegare kommunal- og moderniseringsdepartementet ) er eit norsk departement med ansvar for spørsmål som gjeld bustadpolitikk, regional- og distriktspolitikk, lokalforvalting og gjennomføring av val.

Kommunal- og distriktsdepartementet (KDD)
Offisielt namn	Gielda- ja ođasmahttindepartemeanta, Kommunal- og distriktsdepartementet
Type	Norske departement
Virkefelt	Noreg
Skipa	29. oktober 1948[1]
Org.nummer	972417858
Statsråd	Kjersti Stenseng (Ap)
Hovudkontor	Akersgata 59, Oslo
Undergrupper	Regjeringa i Noreg
Tilsette	425 (2014)[2]
Jurisdiksjon	Noreg
Nettside	https://www.regjeringen.no/no/dep/kdd

Inngangen til Kommunal- og distriktsdepartementet m.fl. i Oslo.

Foto: Alejandro Decap

Departementet vart oppretta av regjeringa Solberg gjennom å fusjonere Fornyings- og administrasjonsdepartementet, Kommunal- og regionaldepartementet og planavdelinga i Miljøverndepartementet. Departementet har lokale i Regjeringskvartalet, R5 og Akersgata 59.

Historie

Kommunal- og regionaldepartementet vart oppretta i Einar Gerhardsen si andre regjering 20. desember 1948 som Kommunal- og arbeidsdepartementet. Den første kommunalministeren var Ulrik Olsen. Frå 1990 til 1992 vart departementet kalla Kommunaldepartementet. Arbeidsavdelinga vart i 1997 overført til det som då vart Arbeids- og administrasjonsdepartementet.

Politisk leiing

Statsråd og leiar for departementet er kommunal- og distriktsminister Kjersti Stenseng (Arbeidarpartiet) per 4. februar 2025.

Underliggjande etatar

• Husbanken
• Kommunalbanken
• Husleigetvistutvalet i Oslo
• Statens bygningstekniske etat
• Selskapet for industrivekst
• Innovasjon Norge

Sjå òg

• Norske kommunal- og regionalministrar