Lundariket

Lundariket var ein stat i det som no er Kongo-Kinshasa, Angola og Zambia i Afrika mellom rundt 1665 og 1887. Kjerneområdet til riket var Katanga i noverande sørlege Kongo-Kinshasa, og den herskande klassen var lundafolk.

Lundariket
← 1600-talet–1887 →
Plasseringa til {{{kortnamn}}} Kart over Lundariket og Lubarike rundt Kongoelva ca. 1850.
Hovudstad	Katanga
Språk	Chilunda
Styreform	Monarki
Mwaantayaav
- 1500-talet	Mwata Yamvo
Historie
- Oppretta	1600-talet
- Opphøyrde	1887

Kart over rike i Afrika før kolonitida.

I stordomstida si på 1800-talet dekte riket eit område på cirka 300 000 km². Då riket ekspanderte fekk det form av ein konføderasjon, der erobra land fekk halda på eit visst sjølvstyre, men måtte betala skatt til sentralmakta. Lundahoffet hadde nære kontaktar med kongedømet Luba, og desse banda blei styrka gjennom ekteskap mellom herskarfamiliane.

Riket fall saman under invasjonskrigen til tsjokvefolk på 1800-talet. Tsjokvane hadde handeldvåpen og var militært sterkare enn lundastyrkane. Sentralstyret braut saman og lokale lundaleiarar fekk makta si innskrenka. På slutten av 1800-talet blei det tidlegare Lundariket delt mellom den portugisiske kolonien Angola, den personlege kolonien til kong Leopold II av Belgia, Fristaten Kongo (noverande Kongo-Kinshasa) og britiske Nordvest-Rhodesia (seinare Nord-Rhodesia, noverande Zambia).

Regentliste

Frå og med Mbala I Yaav hadde lundaherskarane tittelen Mwaant Yaav.

Kongedømmet Lunda:

• Nkonda Matit (seint 1500-tal)
• Cibind Yirung (ca. 1600-ca. 1630)
• Yaav I a Yirung (ca. 1630-ca. 1660)
• Yaav II i Nawej (ca. 1660-ca. 1690)

Lundariket:

• Mbala I Yaav (herska ca. 1690-ca. 1720)
• Mukaz Munying Kabalond (ca. 1720)
• Muteba I Kat Kateng (ca. 1720-ca. 1750)
• Mukaz Waranankong (ca. 1750-ca. 1767)
• Nawej Mufa Muchimbunj (ca. 1767-ca. 1775)
• Cikombe Yaava (ca. 1775-ca. 1800)
• Nawej II Ditend (ca. 1800-1852)
• Mulaj i Namwan (1852-1857)
• Cakasekene Naweej (1857)
• Muteba II i Cikombe (1857-1873)
• Mbala II i Kamong Isot (1873-1874)
• Mbumb I Muteba Kat (1874-1883)
• Cimbindu a Kasang (1883-1884)
• Kangapu Nawej (1884-1885)
• Mudib (1885-1886)
• Mutand Mukaz (1886-1887)
• Mbala III a Kalong (1887)