Kongsberg Gruppen

Kongsberg Gruppen ASA (OSE: KOG) er eit norsk selskap som utviklar og produserer sivilt og militært høgteknologisk utstyr. KOG har verksemder på 40 plassar i 24 forskjellige land. Selskapet har til saman rundt 6000 tilsette. Av desse er om lag 4000 tilsette i Noreg. KOG er sett saman av to driftselskap: Kongsberg Defence & Aerospace (KDA) og Kongsberg Maritime (KM), begge med hovudkontor i Kongsberg.

Kongsberg Gruppen
Org.form	Allmennaksjeselskap
Org.nr.	943753709
Bransje	Petroleumsverksemd, romteknologi, Maritim
Skipa	1814
Forgjengar(ar)	Kongsberg Våpenfabrikk
Eigar	Nærings- og fiskeridepartementet, Arendals Fossekompani, Folketrygdfondet
Dotterselskap	Kongsberg Maritime, Kongsberg Defence & Aerospace
Hovudkontor	Kongsberg kommune
Land	Noreg
Styreleiar	Eivind Reiten[1]
Adm.dir.	Walter Qvam, Frederik Meyn, Peder Christian Holst, Jens Landmark, Ole Herman Krag, Johan Jørgen Schwartz, Bjarne Hurlen, Tor Espedal, Jan Erik Korssjøen, Geir Håøy, Jan T. Jørgensen, Arthur J. Aasland, Rolf Qvenild
Nettstad	http://www.kongsberg.com/

KDA produserer militært utstyr og romsystem, medan KM utviklar og produserer avansert maritimt elektronisk utstyr, som vert nytta i fiskebåtar, forsyningsskip, boreskip, tankskip og fritidsbåtar.

Historie

KOG har røter tilbake til 1814, då Kongsberg Vaabenfabrik (KV) vart stifta. Føremålet med selskapet var å produsera våpen til det norske militæret. Fram til 1948 var KV eit statseigd selskap, under Forsvarsdepartementet. Etter dette vart KV omorganisert som eit statsaksjeselskap.

I 1974 stifta KV eit dotterselskap i Canada, med namnet Kongsberg Mesotech Ltd. Føremålet med dette selskapet var å produsera undervassovervåkingssystem.

I 1987 vart selskapet omstrukturert og alle sivile avdelingar vart skilde ut som eigne selskap. Det som var att av KV fekk namnet Norsk Forsvarsteknologi (NFT).

I 1996 vart selskapet notert på Oslo Børs og namnet vart, på trass av at det strir mot norske orddelingsreglar, endra til Kongsberg Gruppen ASA.