Konkan

Konkan eller Karavali er eit område langs vestkysten av India som ligg mellom Ratnagiri og Mangaluru. Innbyggjarane herfrå blir kalla konkani og talar ofte språket konkani.

Konkan
Land	India
Konkan 15.6°N 73.8°E / 15.6; 73.8
Wikimedia Commons: Konkan

Konkan har ikkje ein fastlagd definisjon, men kan seiast å strekkja seg frå Damaon i Cambaybukta, langs heile kysten av Maharashtra og Goa, til Kanarakysten i Karwar i Karnataka eller til Malabarkysten i sør. Ein kan også leggja grensene ved elvene Daman Ganga i nord og Gangavalli i sør.^[1] Området er avgrensa av Dei vestre Ghatfjella i aust og Arabiahavet i vest. Det gamle området Sapta Konkan strekte seg heilt frå Gujarat til Kerala.^[2]

Geografi

Maharashtra-delen av Konkan, etter dei distriktsgrensene som gjeld i dag.

Delstaten Maharashtra nytter namnet Konkan for ein av sine seks divisions, det vil seia grupper av distrikt, og då inngår også dei to distrikta som omfattar storbyen Mumbai.

Byane Karwar, Ankola, Kumta, Honavar og Bhatkal ligg også langs Konkankysten.

Kart over Konkanbeltet i Maharashtra med fjellstader (hill stations), vegar og jernbaner mellom dei.

Distrikta i området er, frå nord til sør:^[3]

1. Palghar distrikt
2. Thane distrikt
3. Mumbai Suburban distrikt
4. Mumbai City distrikt
5. Raigad distrikt
6. Ratnagiri distrikt
7. Sindhudurg distrikt
8. Goa
9. Uttara Kannada
10. Udupi
11. Dakshina Kannada