Kornell

Kornell kan visa til tre eller buskar frå planteslektene Cornus og Swida i kornellfamilien, eller berre Cornus der denne er rekna som ei større slekt. Då omfattar ho rundt 45 artar som veks på den nordlege halvkula.

Vårkornellslekta
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Kornellordenen Cornales
Familie:	Kornellfamilien Cornaceae
Slekt:	Vårkornellslekta Cornus L., 1753

Slektsnamnet Cornus kjem frå latin av ordet cornu, 'horn'. Ordet kornell kjem frå eit italiensk diminutiv av cornus.^[1]

Dei fleste kornellar er lauvfellande buskar eller tre med krossvis motsette blad. Blomane er firetalige og veks i endestilte, greinete kvastar. Dei er einkjønna hjå nokre av artane. Blomane dannar ei steinfrukt. Veden er kjend for å vera svært hard.

I Noreg veks to kornellartar vilt, skrubbær (C. suecica) og villkornell (C. sanguinea).. Det blir også dyrka artar som kanelkornell, sibirkornell og vårkornell.