Kot Diji

Kot Diji (کوٹ ڈیجی) er ein stad i Sind i Pakistan som omfattar ein førhistorisk arkeologisk funnstad som delvis er ein forløpar for Induskulturen, og ein festning frå Talpur-dynastiet på 1700-talet.

Kot Diji کوٹ ڈیجی
Kot Diji festning sett frå den nyare byen.
Land	Pakistan
Region	Sind
Distrikt	Khairpur District
Kot Diji 27.35°N 68.71666667°E / 27.35; 68.71666667

Kot Diji ligg rundt 24 kilometer sør for Khairpur og aust for Induselva, på motsett side frå induskulturbyen Mohenjo-daro. Den første busetjinga på staden stammar frå rundt 3300 f.Kr., og blei bygd på flatlandet rundt Rohri-høgdene.

Festningen blei bygd rundt 1790 på toppen av Rohri-høgdene under Mir Sohrab, som herska frå 1783 til 1830. Festningen er i god stand. Han var ein av mange festningar bygd for å verna grensene til Mir Sohrab. Festningen er aldri blitt angripen.^[1]