Kungliga Vetenskapsakademien

Kungl. Vetenskapsakademien er eit svensk vitskapsakademi stifta i 1739. Det er ein uavhengig organisasjon som har som oppgåve å fremja vitskap og styrka innverknaden deira på samfunnet.^[1] Akademiet er særskilt knytt til naturvitskap og matematikk, men legg også vekt på å auka utveksling mellom ulike disiplinar.

Kungliga Vetenskapsakademien
Skipa	2. juni 1739
Land	Sverige
Grunnleggjar(ar)	Jonas Alströmer, Anders Johan von Höpken, Sten Carl Bielke, Carl von Linné, Mårten Triewald, Carl Wilhelm Cederhielm
Styreleiar	Carl von Linné
Nettstad	https://www.kva.se

Kungl. Vetenskapsakademien.

Linnésalen på Vetenskapsakademien.

Akademiet deler kvart år ut Nobelprisen i fysikk, Nobelprisen i kjemi, Nobels minnepris i økonomi, Crafoordprisen, Sjöbergprisen og fleire andre store prisar. Det har også nær kontakt med utanlandske akademi og internasjonale vitskapsorganisasjonar. Akademiet har tilhald i Kungliga Nationalstadsparken i nordlege delen av Stockholm.

Historie

Kungl. Vetenskapsakademien blei grunnlagd 2. juni 1739 etter utanlandske førebilde av seks vitskapsfolk og politikar: Jonas Alströmer, Anders Johan von Höpken, Sten Carl Bielke, Carl Linnaeus (seinare von Linné), Mårten Triewald og Carl Wilhelm Cederhielm. Dei første som blei valde inn i akademiet etter grunnlegginga var Anders Celsius og Samuel Klingenstierna, medan Nils Reuterholm blei den første som blei innlemma under høgtidelege former.^[2][3]