Kungsbacka kommun

Kungsbacka kommun er ein kommune i Hallands län i Sverige. Kommunen grensar innanfor lenet til Varbergs kommun i sør. I tillegg grensar han til fire andre kommunar i Västra Götalands län. Desse er Göteborgs kommun, Mölndals kommun og Härryda kommun i nord, og Marks kommun i aust. Administrasjonssenteret i kommunen er Kungsbacka. Kommunen inngår i Stor-Göteborg.

Kungsbacka kommun
kommune
Kommunevåpen
Land	Sverige
Len	Hallands län
Landskap	Halland
Centralort	Kungsbacka
Areal	647 km²
•  land	611 km²
•  vatn	35 km²
Folketal	73 645
Folketettleik	114 / km²
Kungsbacka kommun 57.483333333333°N 12.066666666667°E / 57.483333333333; 12.066666666667
Kart som viser Kungsbacka kommun. Kart som viser Kungsbacka kommun.
Wikimedia Commons: Kungsbacka Municipality
Nettstad: www.kungsbacka.se

Vest i kommunen finn ein skjergardskyst, og innanfor eit kupert, skogrikt landskap med mange innsjøar. Det at kommunen ligg så nær Göteborg har bidrege til mykje innflytting, særleg sidan 1960-åra, av folk som arbeider i Göteborg.

Administrativ historikk

Då dei svenske kommunalforordningane tredde i kraft i 1863, omfatta området, forutan Kungsbacka stad, tretten av dei fjorten kommunane i Fjäre härad. Slik var det fram til den landsomfattande kommunereforma i 1952, nær nitti år seinare. Då vart desse storkommunane oppretta: Onsala (av Onsala), Fjärås (av Fjärås, Förlanda og Hanhals), Löftadalen (av Frillesås, Gällinge, Idala, Landa og Ölmevalla), Särö (av Släp og Vallda) og Tölö (av Tölö og Älvsåker). Den neste kommunereforma vart gjennomført i tre steg. Allereie i 1969 vart Tölö sameint med Kungsbacka. I 1971 vart Kungsbacka kommun oppretta, då Kungsbacka stad og Särö landskommun vart slått saman. Kommunen vart slik han er i dag i 1974, då Fjärås, Löftadalen og Onsala vart tilførte.

Kommunevåpenet

Blasonering: På blå bakgrunn, ein kvinneleg helgenfigur i sølv, med ein stav i høgre handa og ein kalk i venstre, begge delar i gull.^[1]

Blasoneringa kjem frå eit segl frå 1580-talet. Sidan kyrkja i byen var vigd til St. Gertrud har ein trudd at våpenet viser henne, sjølv om avbiletinga ikkje stemmer heilt. Det vart likevel fastsett i 1948. Etter kommunesamanslåinga i 1971–1974 vart våpenet registrert for den nye kommunen. Det fanst ingen andre våpen i området.

Tettstader

Det er 23 tettstader i Kungsbacka kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Kungsbacka	17 784
2.	Onsala	11 375
3.	Billdal[2]	9 609
4.	Åsa	3 218
5.	Kullavik	3 119
6.	Särö	2 982
7.	Fjärås kyrkby	2 213
8.	Frillesås	1 924
9.	Backa	1 516
10.	Vallda	1 439
11.	Anneberg	1 398
12.	Västra Hagen	810
13.	Ölmanäs	787
14.	Buerås	556
15.	Halla Heberg	509
16.	Lerkil	411
17.	Gundal och Högås[3]	363
18.	Hagryd-Dala	355
19.	Hjälmared	341
20.	Brattås	339
21.	Kläppa	298
22.	Hjälm	251
23.	Röda holme	201