Lanius

Lanius er ei biologisk slekt av mellomstore til store sporvefuglar. Slekta gjer ut for 29 av i alt 33 medlemmer av varslarfamilien, Laniidae. Artar i slekta er tilstades i Nord-Amerika, Eurasia og Afrika. Mange, særleg nordlege artar som tornskate, Lanius collurio, er sterke trekkfuglar, men det finst òg fleire døme på standfuglar i Lanius.

Lanius
Swahilivarslar, Lanius cabanisi, Mikumi National Park, Tanzania Foto: Muhammad Mahdi Karim
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Overorden:	Passerimorphae
Orden:	Sporvefuglar Passeriformes
Familie:	Varslarfamilien Laniidae
Slekt:	Lanius Linnaeus, 1758

Skildring

Alle artane har kraftig, skarpt nebb med ein liten krok i enden. Eit anna typisk trekk er ei svart ansiktmaske, ei brei, svart augestripe frå nebb og til bak øyrane. Variasjonen i storleik er mellom 14 og 50 centimeter for dvergvarslar, Lanius gubernator, og kinavarslar, Lanius sphenocercus, høvesvis. Hos dei mest fargerike artane er hofuglar bleikare i fargene enn hannar, men hos mange av artane dominerer grått, svart og kvitt i fjørdrakta, og kjønna er da relativt like.

Slekta har to utbreiingskonsentrasjonar, i Asia og i Afrika. Ca. 11 artar lever avgrensa til Afrika, av dei er svovelvarslar, Lanius newtoni, endemisk for øya São Tomé utanfor Vest-Afrika. Av dei asiatiske artane har nokre, som isabellavarslar, Lanius isabellinus, overvintringsområde i Afrika. Berre krattvarslar, Lanius meridionalis, har heilårsutbreiing avgrensa til Europa, tre andre artar er utbreidde i Europa og Asia. Amerikavarslar, Lanius ludovicianus, er avgrensa til Nord-Amerika, borealvarslar, Lanius borealis, lever i austlege Asia og i Nord-Amerika.

Artslista

Lanius i rekkjefølgje etter EBird/Clements Checklist v2019^[1] med norske namn etter Norske navn på verdens fugler:^[2]

• Tigervarslar, Lanius tigrinus, Tiger Shrike, Drapiez, 1828, (LC)
• Oksevarslar, Lanius bucephalus, Bull-headed Shrike, Temminck & Schlegel, 1845, (LC)
• Tornskate, Lanius collurio, Red-backed Shrike, Linné, 1758, (LC)
• Raudhalevarslar, Lanius phoenicuroides, Red-tailed Shrike, Schalow, 1875, (LC)
• Isabellavarslar, Lanius isabellinus, Isabelline Shrike, Hemprich & Ehrenberg, 1833, (LC)
• Brunvarslar, Lanius cristatus, Brown Shrike, Linné, 1758, (LC)
• Kastanjevarslar, Lanius collurioides, Burmese Shrike, Lesson, 1831, (LC)
• Dvergvarslar, Lanius gubernator, Emin's Shrike, Hartlaub, 1882, (LC)
• Indiavarslar, Lanius vittatus, Bay-backed Shrike, Valenciennes, 1826, (LC)
• Rustvarslar, Lanius schach, Long-tailed Shrike, Linné, 1758, (LC)
• Tefravarslar, Lanius tephronotus, Gray-backed Shrike, Vigors, 1831, (LC)
• Bergvarslar, Lanius validirostris, Gray-capped Shrike, Ogilvie-Grant, 1894, (NT)
• Amerikavarslar, Lanius ludovicianus, Loggerhead Shrike, Linné, 1766, (NT)
• Borealvarslar, Lanius borealis, Northern Shrike, Vieillot, 1808, (LC)
• Krattvarslar, Lanius meridionalis, Iberian Gray Shrike, Temminck, 1820, (VU)
• Varslar, Lanius excubitor, Great Gray Shrike, Linné, 1758, (LC)
• Rosenvarslar, Lanius minor, Lesser Gray Shrike, Gmelin, 1788, (LC)
• Kinavarslar, Lanius sphenocercus, Chinese Gray Shrike, Cabanis, 1873, (LC)
• Akasievarslar, Lanius excubitoroides, Gray-backed Fiscal, Prévost & Des Murs, 1847, (LC)
• Swahilivarslar, Lanius cabanisi, Long-tailed Fiscal, Hartert, 1906, (LC)
• Savannevarslar, Lanius dorsalis, Taita Fiscal, Cabanis, 1878, (LC)
• Somalivarslar, Lanius somalicus, Somali Fiscal, Hartlaub & Heuglin, 1859, (LC)
• Skogbrynvarslar, Lanius mackinnoni, Mackinnon's Shrike, Sharpe, 1891, (LC)
• Bekryggvarslar, Lanius humeralis, Northern FiscalStanley, 1814
• Svartryggvarslar, Lanius collaris, Southern Fiscal, Linné, 1766, (LC)
• Miombovarslar, Lanius souzae, Souza's Shrike, Barboza du Bocage, 1878, (LC)
• Svovelvarslar, Lanius newtoni, Newton's Fiscal, Barboza du Bocage, 1891, (CR)
• Kvitpannevarslar, Lanius nubicus, Masked Shrike, Lichtenstein, 1823, (LC)
• Raudhovudvarslar, Lanius senator, Woodchat Shrike, Linné, 1758, (LC)