Last Concert in Japan

Last Concert in Japan er eit konsertalbum av Deep Purple gjeven ut i mars 1977. Innspelinga er frå den siste japanske konserten til Mark IV-besetninga av bandet med Tommy Bolin. Albumet vart spelt inn 15. desember 1975 i Tokyo Budokan og selde til gullplate i Japan.^[2]

Last Concert in Japan Konsertalbum av Deep Purple
Språk	engelsk
Utgjeve	16. mars 1977
Innspelt	15. desember 1975 i Budokan Hall
Sjanger	hardrock
Lengd	43:57
Selskap	Purple Records
Kritikk
Allmusic [1]
Deep Purple-kronologi
Made in Europe (1976)	Last Concert in Japan	Deep Purple in Concert (1980)

Konserten sette ny publikumsrekord for Budokan Hall med om lag 14 000 i publikum. Delar av konserten vart òg filma og finst i videoen Rises Over Japan, som berre kom ut i Japan i 1985.

Innspelinga vart kutta kraftig ned for å passe på ei enkel vinylplate. Heile konserten er nymastra og gjeven ut i sin heilskap på This Time Around: Live in Tokyo i 2001. 2001-utgåva hadde i tillegg langt betre lydkvalitet.

På det originale plateomslaget stod det at albumet inneheldt ein konsertversjon av «Woman from Tokyo», når dette i røynda berre var ein del av ein kort jam av hovudriffet spelt under ein Jon Lord sine soloar.

Innhald

Side ein

Nr.	Tittel	Låtskrivar(ar)	Lengd
1.	«Burn»	Ritchie Blackmore, David Coverdale, Jon Lord, Ian Paice	7:05
2.	«Love Child»	Tommy Bolin, Coverdale	4:46
3.	«You Keep on Moving»	Coverdale, Glenn Hughes	6:16
4.	«Wild Dogs»	Bolin, John Tesar	6:06

Side to

Nr.	Tittel	Låtskrivar(ar)	Lengd
5.	«Lady Luck»	Coverdale, Jeff Cook	3:11
6.	«Smoke on the Water»	Blackmore, Ian Gillan, Roger Glover, Lord, Paice	6:24
7.	«Soldier of Fortune»	Blackmore, Coverdale	2:22
8.	«Woman from Tokyo» (Jon Lord Solo)	Blackmore, Gillan, Glover, Lord, Paice	4:01
9.	«Highway Star»	Blackmore, Gillan, Glover, Lord, Paice	6:50

Medverkande

• Tommy Bolin - gitar, vokal
• David Coverdale - vokal
• Glenn Hughes - bass, vokal
• Jon Lord - tangentinstrument, Hammondorgel, korvokal
• Ian Paice - trommer, perkusjon