Lea Myren

Lea Mathilde Skar-Myren (fødd 21. april 2001) er ein norsk skodespelar og modell.^[1]

Lea Myren
Fødd	21. april 2001 (24 år)
Fødestad	Elverum kommune
Fødenamn	Lea Mathilde Skar-Myren
Aktive år	2009–
Verka som	skodespelar, modell, fjernsynsskodespelar
Mor	Ane-Marthe Skar
Far	Pål Myren

Ho vart kjend etter å ha spelt hovudrolla Maya i dramaserie Jenter på NRK (2013–2015; 2018). Seinare har ho spelt hovudrollene Jeanette i situasjonskomedien Familien Lykke (frå 2020) på NRK og Monica «Tatærn» i dramaserien Kids in Crime (frå 2022) på TV 2.^[2]

Myren har òg opptredd i biroller i ei rekke NRK-seriar, inkludert i situasjonskomedien Side om side (2018) og ungdomsserien Blank (2019).^[3]

Bakgrunn

Lea Mathilde Skar-Myren voks opp i Oslo som den første dottera til forskaren Ane-Marthe Solheim Skar.^[4] Etter å ha gått ungdomsskulen på Fyrstikkalleen skole tok Myren dramalinja ved Hartvig Nissens skole; ho gjekk ut frå vidaregåande skule i 2020.

Karriere

Myren hadde dei første TV-opptredenane sine i 2009 i NRK sin barne-TV-serie Superia, der episodane inneheldt innslag der ho og jamaldra barn guida sjåarane gjennom eit dataspel.^[5][6] Sidan spelte ho hovudrolla som Maya i den første sesongen av dramaserie Jenter (2013) på NRK.^[7] I dei fire følgjande sesongane av serien, fram til 2015, fortsette ho som Maya, som då var ei birolle i produksjonen.^[8]

Ho hadde seinare ei birolle i ein episode av situasjonskomedie Side om side (2018) på NRK.^[9] I 2019 hadde ho fleire biroller i ulike TV-seriar, mellom anna i ungdomsserien Blank og situasjonskomedien Allerud VGS.^[10][11][12] Myren hadde same år òg ei statistrolle i Dottera ved Det Norske Teatret,^[13] og arbeidde som lyssjef i Nissenrevyen. Ho fekk året etter hovudrolla som Jeanette i situasjonskomedie Familien Lykke ved NRK.^[14]

I 2021 arbeidde Myren som klesmodell for merket Also Worldwide, og bidrog med promotering av Also Worldwide.^[15][16] Myren hadde òg den første filmrolla si i Aldri i Livet,^[17] og opptredde i musikkvideoen til Kristian Skylstad sin song «Never Lose That Childish Glow in Your Eyes».^[18][19]

Filmografi

Fjernsyn

År	Tittel	Rolle	Merknader
2009	Superia	Seg sjølv	Programleiar
2013–2015; 2018	Jenter	Maya	Hovudrolle (sesong 1) Birolle (sesong 2–5) Gjesteopptreden (sesong 10)
2013	Julemorgen	Seg sjølv	Gjesteopptreden
2014–2015	Superkrim	Seg sjølv	2 episodar
2018	Side om side	Sofie	Episode: «Foreldrekonflikt»
2019	Blank	Jenny	2 episodar
2020	Allerud VGS	Allergisk	Episode: «Verdensblikk»
2020–noverande	Familien Lykke	Jeanette	23 episodar
2021	Maxitaxi Driver	Ingrid	2 episodar
2022	Venner fra før	Indie	5 episodar
2022	Kids in Crime	Monica «Tatærn» Larsen	Hovudrolle

Film

År	Tittel	Rolle	Merknader
2021	Aldri i Livet	Liv	Bachelorfilm ved Westerdals Oslo ACT – Høyskolen Kristiania[17]

Musikkvideo

År	Video	Artist
2021	«Never Lose That Childish Glow in Your Eyes»	Kristian Skylstad[18][19]

Reklame

År	Produkt
2017	Barndom av Margreth Olin[20]
2018	VM på TV 2
2019	«Stemmer verdt å lytte til» av iceUng[21]