Leirvik i Hyllestad

Leirvik er ein busetnad i Hyllestad kommune i Vestland fylke. Han ligg inst i Bøfjorden som er ein fjordarm på nordsida av den ytre delen av Sognefjorden. Avstand til næraste busetnad Hyllestad er ca. 9 km. Avstand til næraste hovudveg, E39, er ca. 20 km og startar ved ferjeleiet i Lavik.

Leirvik i Hyllestad
stad
Land	Noreg
Fylke	Vestland
Kommune	Hyllestad
Leirvik 61.1367°N 5.34722°E / 61.1367; 5.34722

Næringsliv

Verftet Havyard Ship Technology ligg 3 km frå Leirvik sentrum og er rekna som ei hjørnesteinsverksemd i Leirvik. Sidan oppstarten i 1928 har verftet sysselsett folkesetnaden i Leirvik.^[1] Ved oppstarten var det først ein motorverkstad ved namn Løland Motorverkstad, men denne blei kjøpt opp av Kværner-gruppa i 1990 og var då anerkjend som ein kvalitetsleverandør av fiske- og offshore-fartøy. Verftet blei igjen kjøpt opp i 2000 og endra då namn til Havyard Leirvik. Dei var registrert med 266 tilsette i 2014 som var basert i Leirvik.