Leo Ajkic

Leo Ajkic (fødd 21. november 1983) er ein norsk-bosnisk programleiar for radio og fjernsyn.^[1] Han er kjend for dokumentarseriar som Flukt og Rus.^[1]

Leo Ajkic
Statsborgarskap	Noreg
Fødd	21. november 1983 (41 år) Mostar, Bosnia-Hercegovina
Yrke	skodespelar, programleiar, talent manager
Organisasjon	NMG/G-Huset, Norsk rikskringkasting
Prisar	Fritt Ords honnør, Ole Vig-prisen, Jonasprisen, Gullparaplyen, Gullruten for beste programleder, Gullruten for beste programleder, Åpenhetsprisen, Gullruten for beste programleder
Leo Ajkic på Commons

Ajkic er fødd i Mostar i dåverande Jugoslavia, no i Bosnia-Hercegovina. Familien hans flykta under krigen i Bosnia, og etter opphald i Tyskland og Kroatia kom han til Noreg då han var 11. Deretter voks han opp i Bergen.^[1]

Leo Ajkic blei fyrst programleiar for BTV, tv-kanalen til Bergens Tidende, i 2007. I 2010 blei han tilsett i NRK P3. Han byrja etterkvart også å laga tv-seriar. I 2017 skapte han dokumentarserien Flukt (2017), der han tok for seg flyktningkrisa. Han vann fleire prisar for arbeidet. I 2020-21 var han programleiar i dokumentarserien Rus, produsert av Pandora Film. I 2024 var han programleiar for dokumentarserien Leo og de farlige, der han møtte innsette som sona forvaringsdommar.^[2]

Prisar og utmerkingar

• 2017: Fritt Ords honnør
• 2017: Gullruten 2017, beste mannlege programleiar for Flukt
• 2017: Ole Vig-prisen^[3]
• 2019: Jonasprisen^[4]
• 2022: Gullruten 2022, beste programleiar – nyhet, sport eller aktualitet for Rus
• 2024: Åpenhetsprisen, i lag med psykiateren Randi Rosenqvist.^[5]