Leopard-Skin Pill-Box Hat

«Leopard-Skin Pill-Box Hat» er ein song av Bob Dylan frå albumet Blonde on Blonde frå 1966. Som mange Dylan-songar frå perioden 1965-1966 har han ein surrealistisk, leiken tekst med elektrisk blues-akkompagnement.

Leopard-Skin Pill-Box Hat Singel av Bob Dylan frå albumet Blonde on Blonde
B-side	«Most Likely You'll Go Your Way (And I'll Go Mine)»
Språk	engelsk
Utgjeve	april 1967
Innspelt	10. mars 1966
Sjanger	Bluesrock
Lengd	3:58
Selskap	Columbia
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Produsent	Bob Johnston
Bob Dylan-kronologi
«Just Like a Woman» (1966)	Leopard-Skin Pill-Box Hat	«If You Gotta Go, Go Now» (1967)

Teksten gjer narr av eit kvinneleg «moteoffer» som har på seg ein pillehatt i leopardskinn. Slike hattar var særs populære og moteriktige i USA tidleg og midt på 1960-talet.

Songen er melodisk og tekstmessig lik Lightnin' Hopkins sin «Automobile Blues» der opningslinja til Dylan «Well, I see you got your brand new leopard-skin pill-box hat» minnar om Hopkins sin «I saw you riding 'round in your brand new automobile».

Norske versjonar

Jan Erik Vold skreiv ein norsk tekst til songen kalla «Leopardskinns badehetta di blues» som vart framført av Jan Erik Vold, Kåre Virud og Telemark Blueslag på albumet «Stein. Regn» i 1981. Ein annan tekst, på nynorsk, vart skriven og framført av Tom Roger Aadland. Denne versjonen heitte «Leopardsskinnsbunadshetta di» og kom ut på albumet Blondt i blondt.

Bakgrunnsstoff

• Teksten, frå bobdylan.com