Let's See Action

«Let's See Action» er ein song skriven og komponert av Pete Townshend og innspelt av The Who. Han kom ut på singel i Storbritannia i 1971 og nådde 16. plassen på singellista der.

Let's See Action Singel av The Who
B-side	«When I Was a Boy» (John Entwistle)
Språk	engelsk
Utgjeve	15. oktober 1971
Innspelt	1971
Sjanger	Folkrock, power pop
Lengd	3:57
Selskap	Track Records
Komponist	Pete Townshend
Tekstforfattar	Pete Townshend
Låtskrivar(ar)	Pete Townshend
Produsent	The Who Medprodusent: Glyn Johns Leiande produsentar: Kit Lambert Chris Stamp Pete Kameron
The Who-kronologi
«Won't Get Fooled Again» (1971)	Let's See Action	«Baba O'Riley» (1971)

Skildring

Songen er den første av tre singlar som ikkje kom ut på album av The Who,^[1] men som var meint for det skrinlagde Lifehouse-prosjektet.^[2] Demoutgåva til Pete Townshend finst på det første soloalbumet hans på eit større selskap, Who Came First, som «Nothing Is Everything (Let's See Action)», og er ein lengre versjon enn singelversjonen og inneheld dei ekstra linjene «Rumor has it minds are open. Then rumors fill them up with lies.»^[3] Bassgitaristen John Entwistle sa at sporet var Pete Townshend som «prøvde å snakke til ungdommen generelt.»^[1] I følgje The Who-biografen John Atkins, tar songen idear frå læra til Meher Baba og omfattar «sjelegransking og bruk av positive impulsar frå det indre.»^[4]

B-side

B-sida til singelen var «When I Was a Boy», som var skriven og sungen av John Entwistle. I følgje John Atkins, er songen ein sørgjesong om ein tapt barndom og om å makte vaksenlivet som følgjer.^[4]

Utgjeving

Singelen kom ut i Storbritannia 15. oktober 1971.^[5] Han nådde 16. plassen på singellista.^[4] «Let's See Action» kom òg ut på singel i fleire andre land, men ikkje i USA, der han ikkje om ut før han var med på samlealbumet Hooligans i 1981.^[6] «Let's See Action» vart òg miksa av Jon Astley og Andy Macpherson for plateboksen 30 Years of Maximum R&B i 1994.^[4] «When I Was a Boy» kom ut på CD på Polydor-samlinga Rarities 1966–1972 Vol. 1 & 2 og MCA sitt Who's Missing.^[7] Let's See Action har òg kome ut på samleplata My Generation: The Very Best of The Who og The Who Hits 50!.

Konsertversjonar

«Let's See Action» vart framført i Royal Albert Hall i 2000 med Eddie Vedder på delt solovokal med Roger Daltrey. Denne framføringa kom sidan ut på konsertalbumet Live at the Royal Albert Hall.^[8]

Medverkande

• Roger Daltrey – solovokal (vers)
• Pete Townshend – gitar, synthesizer, solovokal (mellomspel)
• John Entwistle – bass, horn
• Keith Moon – trommer
• Nicky Hopkins – piano