Lilija Nurutdinova

Lilija Foatovna Nurutdinova (fødd 15. desember 1963) er ein russisk tidlegare friidrettsutøvar frå Naberezjnyje Tsjelny som tevla for Sovjetunionen. Ho vart verdsmeister på 800 meter i 1991, og tok OL-sølv 1992 og EM-bronse 1990 på same distansen. I 1993 vart ho dømd for dopingbruk og la opp.

Lilija Nurutdinova
Statsborgarskap	Sovjetunionen, Russland
Fødd	20. september 1963 (61 år) Naberezjnyje Tsjelny, Narat-Elga
Idrett	friidrett
Tok del i	Sommar-OL 1992

Aktiv

Med tida 1.57,25, oppnådd i Kiev 7. juli 1990, stega Nurutdinova inn i verdseliten på 800 meter. Ho kneip bronsemedaljen på distansen då europameisterskapen 1990 vart arrangert i Split i dåverande Jugoslavia, men var sjanselaus i å fylgje dei to utøvarane frå Aust-Tyskland, Sigrun Wodars og Christine Wachtel.

Året etter lukkast Nurutdinova snappe gullmedaljen på spesialdistansen under VM 1991 i Tokyo, eit løp der det skilte 0,13 sekund mellom Nurutdinova på fyrsteplass og Maria Mutola på fjerdeplass, Ana Fidelia Quirot vann sølvet og Ella Kovacs tok bronsen.

Under Sommar-OL i Barcelona sprang Nurutdinova sitt livs snøggaste 800 meter og fekk tida 1.55,99, noko som gav henne sølvmedaljen etter som også nederlandske Ellen van Langen sette personleg rekord og vann på 1.55,54.

Doping

Under verdmeisteskapen 1993 i Stuttgart testa Nurutdinova positivt på det anabole steroidet stanozolol. Ho vart utestengd frå friidretten i fire år og la opp.

Medaljar og plasseringar i internasjonale meisterskap

• EM 1990 i Split: Bronsemedalje på 800 m – 1.57,39
• VM 1991 i Tokyo: Gullmedalje på 800 m – 1.57,50, framom Ana Fidelia Quirot (1.57,55)
• OL 1992 i Barcelona: Sølv på 800 m – 1.55,99. Gull i 4 x 400 m stafett
• VM 1993 i Stuttgart: Diskvalifisert frå 7. plass på 800 m

Kjelder

• Denne artikkelen bygger på «Lilija Foatowna Nurutdinowa» frå Wikipedia på tysk, den 24. mai 2018.

• «Liliya Nurutdinova» (på engelsk). Olympedia. Henta 13. mars 2023.