Line Henriette Hjemdal

Line Henriette Holten Hjemdal (fødd 18. oktober 1971 i Sarpsborg) er ein norsk politikar frå Kristeleg Folkeparti. Ho har vore stortingsrepresentant for Østfold fylke sidan 2005.

Line Henriette Hjemdal
Fødd	18. oktober 1971 (53 år) Sarpsborg kommune
Statsborgar av	Noreg
Parti	Kristeleg Folkeparti
Religion	kristendom
Yrke	politikar
Utdanna ved	MF vitskapeleg høgskule
Far	Odd Holten
Alle verv	stortingsrepresentant (2005–2009) stortingsrepresentant (2009–2013) stortingsrepresentant (2013–2017)

Hjemdal bur no i heimbyen Fredrikstad, er gift og har to døtrer. Ho er dotter av tidlegare stortingsrepresentant Odd Holten og voks opp i Fredrikstad. I 2003 vart ho vald i Askim bystyre.

Ho er utdanna teolog (Menighetsfakultetet 1996), og har arbeidd som generalsekretær i Kristeleg Folkepartis Ungdom, som informasjonsrådgivar for KrF på Stortinget og som politisk rådgivar hos Dagfinn Høybråten, først i Sosial- og helsedepartementet (2001–04), deretter i Arbeids- og sosialdepartementet (2004–05).

Hjemdal vart vald inn på Stortinget frå Østfold fylke i 2005 og 2009, og sit i helse- og omsorgskomiteen.

8. oktober 2009 vart Hjemdal vald til 5. visepresident i Stortinget.

Regjering

• 23. oktober 2001 – 31. desember 2001: Politisk rådgivar Sosial- og helsedepartementet
• 1. januar 2002 – 1. oktober 2004: Politisk rådgivar Helsedepartementet
• 1. oktober 2004 – 28. februar 2005: Politisk rådgivar Arbeids- og sosialdepartementet

Stortingskomitear

• 2005–: medlem i Energi- og miljøkomiteen

Bakgrunnsstoff

• Stortinget.no - Biografi