Link Wray av Link Wray

Link Wray er eit musikkalbum frå 1971 av rock and roll-pioneren og gitaristen Link Wray. Musikken er ei americanablanding med element av blues, country, gospel og folkrock. Gitarspelinga, komponeringa og vokalen til Wray reflekterer den moderne rocken på denne tida. Trass i pulisitet frå radio og trykte media i Washington-området, gjorde ikkje albumet det så bra nasjonalt.

Link Wray Studioalbum av Link Wray
Språk	engelsk
Utgjeve	Juni 1971
Innspelt	av Ray Vernon i Wray's Shack Three Track i Accokeek i Maryland i 1971
Sjanger	Roots rock, countryrock, bluesrock, folkrock, americana, rhythm and blues
Lengd	44:16
Selskap	Polydor
Produsent	Steve Verroca, Ray Vernon, Bob Feldman
Link Wray-kronologi
Listen to the Voices That Want to Be Free (1970)	Link Wray	Mordicai Jones (1971)

Somme spor frå dette albumet kom seinare ut på samlealbumet Guitar Preacher: The Polydor Years og heile albumet kom ut på det doble samlealbumet Wray's Three Track Shack i lag med andre innspelingar frå 1971 frå Beans and Fatback og Mordicai Jones.

The Neville Brothers spelte seinare inn «Fire and Brimstone» på albumet deira Yellow Moon, og det same gjorde Ralph Stanley for filmmusikken til Lawless. Bandet Calexico spelte «Fallin' Rain» som bonusspor på albumet deira Feast of Wire. Karl Blau spelte inn «Fallin' Rain» på albumet Introducing Karl Blau^[1] i 2016.

Innspeling

Albumet vart spelt inn i 1971 av bror til Link, Vernon «Ray Vernon» Wray i Wray's Shack Three Track, eit tre-sporsstudio Link Wray hadde omgjort frå eit gammalt hønsehus på garden sin i Accokeek i Maryland, og miksa av Chuck Irwin. På dei meir høglydte songane plasserte dei høgtarar for gitaren til Link Wray ute i hagen, og sette mikrofonar i vindauga.^[2] Ei stund hadde dei ikkje trommer, så på fleire spor trampar musikarane i golvet og ristar på ein boks med spikar.^[2]

Mottaking

Meldingar
Karakter
Kjelde	Karakter
Allmusic	[3]
Pitchfork	(9.1/10)<[4]

På grunn av stilendringa frå tidlegare musikk Link Wray hadde spelt inn, vart albumet dårleg motteke av fansen.^[3] Wray hadde venta dette, og kort tid før albumet kom ut sa han: «På sett og vis kunne eg ikkje brydd meg mindre om eg ikkje sel eit einaste album. Me er nøgd med det og me har gjort det på vår eigen måte.»^[2]

I ei seinare melding kritiserteAllmusic albumet for det mangla intensiteten i den mest kjende musikken hans. Men dei hylla lidenskapen og ærlegheita på albumet og hevda at det har eldast betre enn det meste av countryrocken frå den tida.^[3]

Innhald

Side ein

Nr.	Tittel	Låtskrivar(ar)	Lengd
1.	«La De Da»	Steve Verroca	4:04
2.	«Take Me Home Jesus»	Verroca	3:21
3.	«Juke Box Mama»	Verroca	4:29
4.	«Rise and Fall of Jimmy Stokes»	Verroca	4:02
5.	«Fallin' Rain»	Link Wray	3:44

Side to

Nr.	Tittel	Låtskrivar(ar)	Lengd
6.	«Fire and Brimstone»	Wray	4:21
7.	«Ice People»	Wray	3:03
8.	«God Out West»	Verroca	3:54
9.	«Crowbar»	Wray	4:48
10.	«Black River Swamp»	Wray	3:58
11.	«Tail Dragger»	Willie Dixon	4:32

Medverkande

• Link Wray - solovokal, gitar, dobro, bassgitar
• Bobby Howard - mandolin, piano
• Bill Hodges - piano, orgel, korvokal
• Doug Wray - trommer, perkusjon, korvokal
• Steve Verroca - trommer, perkusjon, korvokal
• Gene Johnson - korvokal

Produksjon

• Produsent: Steve Verroca og Ray Vernon, i samarbeid med Bob Feldman
• Lydteknikar: Ray Vernon
• Miksing: Chuck Irwin