Liz Truss
Storbritannias statsminister 2022– From Wikipedia, the free encyclopedia
Remove ads
Mary Elizabeth Truss (fødd 26. juli 1975) er ein britisk konservativ politikar, og er statsministeren i Storbritannia. Truss har vore i regjeringa sidan 2014, der ho mellom anna var utanriksminister i Boris Johnson-regjeringa. Truss var den 53. statsministeren, og av dette den tredje kvinnelege statsministeren i Storbritannia, etter Theresa May og Margaret Thatcher.[1][2]
2.jpg)
Remove ads
Karriere
Truss var aktiv i Liberaldemokratane. Ho var leiar av Oxford University Liberal Democrats og medlem av det nasjonale hovudstyret i Liberal Democrat Youth and Students. Under perioden hennar som liberaldemokrat støtta Truss legaliseringa av cannabis og avviklinga av monarkiet.[3]
Truss blei medlem av Det konservative partiet i 1996.[4]
Parlamentsmedlem
Liz Truss blei vald inn i det britiske parlamentet i 2010 som medlem av det konservative partiet, for valkrinsen Sør-Vest-Norfolk. Før dette var ho mellom anna assisterande direktør i tenketanken Reform.[5]
Frå 2014 til 2016 var ho miljø-, mat- og distriktsminister i David Cameron si regjering.
Ved skipinga av Theresa May si regjering i 2016 blei Truss justisminister og lordkanslar. Ho var den fyrste kvinna i begge desse stillingane. I 2017 blei Truss flytta til finansdepartementet som visefinansminister.
Då Boris Johnson tok over som statsminister i 2019 etter Theresa May, fortsette Truss i regjering, men no som handelsminister.[6][7] 15. september 2021 blei ho utnemnd til utanriksminister.[8]
Statsminister
Etter at kampen om å ta over som leiar av det konservative partiet og statsminister i Storbritannia etter at Boris Johnson trekte seg 7. juli 2022, var Truss leiarkandidat. Ho og Rishi Sunak blei dei to gjenståande kandidatane til å ta over i eit val gjort av medlemmane i partiet.[9] 5. september 2022 blei det kunngjort at Truss hadde vunne leiarvalet med 81 326 stemmer mot Sunak sine 60 399.[10]
Liz Truss vart utnemnt som ny statsminister 6. september 2022 av dronning Elizabeth II. På grunn av dronninga si dårlege helse, tok ho imot Truss på Balmoral Castle i Skottland.[1] Det var ei av dronninga sine siste offisielle handlingar før ho døydde to dagar seinare. Truss blei dermed den første statsministeren sidan Winston Churchill som tjenestegjorde under ein annan monark enn Elizabeth II.[11] I dette blei Truss også den siste av femten personar som fungerte som statsminister i Storbritannia under dronning Elizabeth II, etter Winston Churchill, Anthony Eden, Harold Macmillan, Alec Douglas-Home, Harold Wilson, Edward Heath, James Callaghan, Margaret Thatcher, John Major, Tony Blair, Gordon Brown, David Cameron, Theresa May og Boris Johnson.[12]
Den 20. oktober 2022 melde Liz Truss sin avgang som partileiar og statsminister, berre 44 dagar etter at ho vart sette inn i desse posisjonane.[13] Avgangen hende ettersom den økonomiske situasjonen i Storbritannia hadde forverra seg kraftig under styret hennar. Ho var statsminister i 48 dagar, og dermed den kortast sitjande statsministeren i Storbritannia.
Remove ads
Kjelder
Wikiwand - on
Seamless Wikipedia browsing. On steroids.
Remove ads